გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, დღეს და ხვალ, 22 თებერვლის 21 საათიდან 23 თებერვლის 21 საათამდე აჭარაში მოსალოდნელია ცვალებადი მოღრუბლულობა, უმეტესად – უნალექოდ.
იქროლებს ცვალებადი მიმართულების ქარი 10-15 მეტრი წამში.
ამინდის ტემპერატურა სანაპირო რაიონებში იქნება:
- დღისით: 8 – 13 გრადუსი
- ღამით: 1 – 6 გრადუსი
მთაში მოსალოდნელია:
- დღისით: 1 – 2 გრადუსი სითბო
- ღამით: 2 – 7 გრადუსი ყინვა
სინოპტიკოსების ცნობით, 24 თებერვალს, დღის მეორე ნახევრიდან და მომდევნო ორ დღეს დროგამოშვებით იწვიმებს, მთაში კი თოვაა მოსალოდნელი.