ქალაქ ბათუმში, მეჯინისწყლის დასახლებაში მდებარე აჭარის ავტონომიური რესპუბლიკის საკუთრებაში არსებულ მიწის ნაკვეთზე [ფართობი: 9327 კვ/მ] მრავალბინიანი საცხოვრებელი კომპლექსის მშენებლობისათვის საჭირო სამშენებლო დოკუმენტის პროექტისა და სახარჯთააღრიცხვო დოკუმენტაციის დამუშავებაზე, აჭარის ფინანსთა და ეკონომიკის სამინისტრომ ტენდერი გამოაცხადა. პროექტის შესაძენად 400 ათასი ლარია გამოყოფილი.
ტენდერი სამინისტრომ დღეს, 21 თებერვალს გამოაცხადა. წინადადებების მიღება პირველ მარტს დაიწყება და 4 მარტს დასრულდება. პროექტი და ხარჯთაღრიცხვა ხელშეკრულების გაფორმებიდან 90 კალენდარული დღეში უნდა იყოს მზად.
დოკუმენტაცია ტენდერის ტექნიკური დავალების შესაბამისად უნდა მომზადდეს. ამ დოკუმენტებზე [პროექტირება, ხარჯთაღრიცხვა] დაყრდნობით, შემდეგ გამოცხადდება ტენდერი საცხოვრებელი კომპლექსის მშენებლობაზე. ახალ კომპლექსში კი ბინები „ოცნების ქალაქში“ მცხოვრებ ოჯახებს გადაეცემათ.
მთავარი ფოტო: ადგილი „ოცნების ქალაქთან“ სადაც ახალი საცხოვრებელი კომპლექსი უნდა აშენდეს
ახალ კომპლექსში ბინების მიღებაზე განცხადებების მიღება 9 თებერვალს დაიწყო:
ბინები „ოცნების ქალაქში“ მცხოვრები ოჯახებისთვის – განცხადებების მიღება დაიწყო
ამავე თემაზე: