მიტროპოლიტი დიმიტრი პრესკონფერენციას გამართავს



ბათუმისა და ლაზეთის მიტროპოლიტი დიმიტრი პრესკონფერენციის გამართვას აპირებს. ინფორმაცია ამის შესახებ „ბათუმელებს“ ბათუმისა და ლაზეთის ეპარქიის პრესსამსახურში დაუდასტურეს, თუმცა ჯერჯერობით უცნობია თარიღი, კონკრეტულად როდის გაიმართება პრესკონფერენცია.

კითხვაზე, შეეხება თუ არა პრესკონფერენცია გიორგი მამალაძის საკითხს, პრესსამსახურში განაცხადეს, რომ ბრიფინგი ნაწილობრივ ამ თემასაც შეეხება.

ამჟამად გიორგი მამალაძე ღუდუშაურის კლინიკაში იმყოფება, სადაც იგი საპატიმრო დაწესებულებიდან 15 თებერვალს გადაიყვანეს.

დეკანოზი გიორგი მამალაძე ბათუმის წმ. ნიკოლოზის სახელობის ტაძრის წინამძღვარმა, დეკანოზმა ნიკოლოზ გიგატაძემ 16 თებერვალს აზიარა.

დეკანოზ გიორგი მამალაძეს თბილისის საქალაქო სასამართლომ 9-წლიანი პატიმრობა 2017 წლის 5 სექტემბერს მიუსაჯა. სასამართლომ დეკანოზი პატრიარქ ილია მეორის მდივან–რეფერენტის, შორენა თეთრუაშვილის მკვლელობის მომზადებაში ცნო დამნაშავედ.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com