საქართველოს განათლების სამინისტროს სსიპ -ი „შემოქმედებითი საქართველო“, კულტურის ხელშეწყობის პროგრამის ფარგლებში, 2019 წლისთვის სხვადასხვა მიმართულებით 17 კონკურსს აცხადებს.
მათ შორის 5 საგრანტო კონკურსის ვადები უკვე ცნობილია, ამ მიზნით გამოყოფილი თანხა კი 90 000 ლარია.
[checklist]
-
კონკურსი: ფესტივალების ხელშეწყობა
- პროექტით გათვალისწინებული თანხა: 35 000 ლარი
[/checklist]
კონკურსის პრიორიტეტებია: ფესტივალების ხელშეწყობა თანამედროვე ხელოვნების, ფოტოგრაფიის, მოდისა და დიზაინის, პერფორმატიული ხელოვნებისა და ექსპერიმენტული მუსიკის მიმართულებით.
საკონკურსო განაცხადები მიიღება წელიწადში ორჯერ: 2019 წლის 8 თებერვლიდან – 6 მარტამდე და 2019 წლის 6 ივნისიდან – 5 ივლისამდე.
[checklist]
-
კონკურსი: თანამედროვე სახვითი ხელოვნების ხელშეწყობა
- პროექტით გათვალისწინებული თანხა: 25 000 ლარი
[/checklist]
კონკურსის პრიორიტეტებია საქართველოს რეგიონებში კულტურული რესურსის გაძლიერება, სახვითი ხელოვნების მდგრადი პლატფორმების შექმნა, ქართული ხელოვნების პროდუქტის განვითარება და პოპულარიზაცია.
საკონკურსო განაცხადები მიიღება წელიწადში ორჯერ: 2019 წლის 15 თებერვლიდან – 15 მარტამდე და 2019 წლის 13 ივნისიდან – 15 ივლისამდე.
[checklist]
-
კონკურსი: ხელოვანების მობილობა
- პროექტით გათვალისწინებული თანხა: 5000 ლარი
[/checklist]
კონკურსის მიზანია ხელი შეუწყოს ხელოვანებისა და სახელოვნებო სექტორში მოღვაწე პროფესიონალების მობილობას, პროფესიულ განვითარებასა და მათი წარმოებული პროდუქტის ინტერნაციონალიზაციას.
მობილობა ცხადდება ღია კონკურსის სახით, წელიწადში ერთხელ: 2019 წლის 15 თებერვლიდან – 15 ნოემბრამდე, მობილობისთვის გათვალისწინებული ბიუჯეტის ამოწურვამდე.
[checklist]
-
კონკურსი: შემოქმედებითი ინდუსტრიების განვითარება
- პროექტით გათვალისწინებული თანხა: 25000 ლარი
[/checklist]
კონკურსის მიზანია შემოქმედებითი ინდუსტრიების სექტორის მდგრადი განვითარება, შემოქმედებითი მეწარმეების გაძლიერება და ადგილობრივი, კონკურენტუნარიანი პროდუქტის შექმნისა და მისი ინტერნაციონალიზაციის ხელშეწყობა.
საკონკურსო განაცხადები მიიღება წელიწადში ორჯერ: 2019 წლის 18 მარტიდან – 15 აპრილამდე და 2019 წლის 17 ივნისიდან – 22 ივლისამდე.
[checklist]
-
კონკურსი ახალგაზრდა ხელოვანთათვის
- კონკურსში გამარჯვებულთა რეზიდენციას უზრუნველყოფს იტალიური მხარე
[/checklist]
კონკურსის ამოცანაა ვიზუალური და საშემსრულებლო ხელოვნების დარგში მომუშავე ახალგაზრდა ქართველი ხელოვანების ხელშეწყობა იტალიის ქალაქ კოზენცაში, BoCs Art რეზიდენციაში მონაწილეობისთვის.
სსიპ -ი „შემოქმედებითი საქართველო“ კიდევ 12 კონკურსს გამოაცხადებს 2019 წელს, სადაც დარეგისტრირება თებერვლის ბოლოდან, მარტიდან და აპრილიდან იქნება შესაძლებელი. რა რაოდენობის თანხა იქნება გამოყოფილი ამ კონკურსებისთვის, ჯერჯერობით უცნობია. საკონკურსო პირობების შესახებ დეტალურ ინფორმაციას განათლების სამინისტრო შესაბამისი კონკურსის გამოცხადების დღეს გაასაჯაროვებს.
