მთავარი,სიახლეები

რა უპასუხა პრემიერ-მინისტრმა შეკითხვას „ბათომის“ ღია წერილზე

13.02.2019 • 1072
რა უპასუხა პრემიერ-მინისტრმა შეკითხვას „ბათომის“ ღია წერილზე

დღეს გამართულ ბრიფინგზე საქართველოს პრემიერ-მინისტრმა მამუკა ბახტაძემ საზოგადოება „ბათომის“ ღია წერილთან  დაკავშირებით დასმულ კითხვაზე განაცხადა, რომ ინვესტიციების მოზიდვა ქალაქის ისტორიული  ნაწილის ნგრევის ხარჯზე არ უნდა მოხდეს. მისივე თქმით, ამ საკითხზე მთავრობის შემდეგ სხდომაზე იმსჯელებენ.

„რა თქმა უნდა, ჩვენთვის  ძალიან მნიშვნელოვანია ინვესტიციების მოზიდვა, მაგრამ ყველაზე მნიშვნელოვანია, რომ ჩვენ შევინარჩუნოთ ისტორიული არქიტექტურა და ის სიმდიდრე, რომელიც გვაქვს და რა თქმა უნდა, არც ერთი ინვესტიცია არ უნდა ხორციელდებოდეს ისტორიის ხარჯზე – ეს არის ჩემი შეფასება და შემდეგ მთავრობის სხდომაზე  მინისტრს ვთხოვ, დეტალურ მოხსენებას ამ საკითხზე და ისიც გააკეთებს თავის განმარტებას,“ – განაცხადა ბახტაძემ.

კითხვა „ბათომის“ წერილთან დაკავშირებით პრემიერ-მინისტრს „აჭარის ტელევიზიამ“ დაუსვა.

„ბათომის“ ღია წერილი პრემიერ-მინისტრს

გადაბეჭდვის წესი