როგორ ამოვიცნოთ პოდაგრა – კლინიკა საგიტარიუსის რეკომენდაცია 

ნივთიერებათა ცვლის დარღვევა მრავალი დაავადების გამომწვევი მიზეზი ხდება. ერთ-ერთი პოდაგრაა. ნივთიერებათა ცვლაში მნიშვნელოვან როლს პურინები ასრულებს. პურინები ორგანიზმი საკვებთან ერთად ხვდება, მცირე რაოდენობა კი ორგანიზმში წარმოიქმნება. პურინული ცვლის საბოლოო პროდუქტი შარდმჟავაა, რომელიც ორგანიზმიდან თირკმლების გზით გამოიდევნება.

მჟავის დაგროვების ორი მექანიზმი არსებობს:

  • ჭარბი პროდუქცია
  • თირკმლების მიერ გამოყოფის დარღვევა

შარდმჟავას მარილებისგან კრისტალები წარმოიქმნება, რომლებიც ილექება სახსარში, ხრტილებსა და მყესებში.

ექიმი-რევმატოლოგი ანა წივწივაძე

ექიმი-რევმატოლოგი ანა წეროძე

დალექილ უბანში კი ძლიერი ანთებითი პროცესი, ანუ პოდაგრის მწვავე შეტევა იწყება.

ძირითადი სიმპტომები:

სახსრის მწვავე ტკივილი და სიწითლე. მკურნალობის გარეშე შეტევა ხშირდება, მწვავდება და ხანგრძლივდება. პოდაგრის პირველადი ნიშანი შეიძლება იყოს თირკმელკენჭოვანი დაავადება (ნეფროლითიაზი).

მკურნალობის ორი მიზანი:

  • შეტევის მოხნა – არასტეროიდული ანთების საწინააღმდეგო პრეპარატებით, კოლხიცინით, კორტიკოსტეროიდებით
  • პოდაგრის შემდგომი შეტევის პრევენცია

მნიშვნელოვან როლს თამაშობს ასევე დიეტა. აუცილებელია რაციონიდან შებოლილი, ცხარე პროდუქტების ამოღება. შემწვარი საკვების მოხარშულით ჩანაცვლება.

გართულებები:

  • ნეფროლითიაზი
  • კანქვეშა ტოფუსები (მრავლობითი კვანძები)

გავრცელებული მითი: თუ ტერფის დიდი თითი დეფორმირებულია ე.ი. პოდაგრა გაქვთ.  სინამდვილეში: ხშირად ტერფის დიდი თითის დეფორმაციას იწვევს ტერფის არარაციონალური დატვირთვის შედეგად განვითარებული Hallux Valgus-ი (ბუნიონი).

ავტორი: კლინიკა „საგიტარიუსის“ ექიმი – რევმატოლოგი

ანა წეროძე 

ნეტგაზეთის მასალების სხვა გამოცემებში გადაბეჭდვის წესი

ავტორი