გომარდულის ფესტივალზე დასწრების მსურველებს ბათუმიდან უფასო ტრანსპორტით მოემსახურებიან



ხვალ, 25 იანვარს, შუახევში, კურორტ გომარდულზე „გომარდულის ფესტივალი“ გაიმართება. ფესტივალზე აჭარის ფინანსთა და ეკონომიკის სამინისტრო კურორტის განვითარების სამომავლო გეგმას წარადგენს.

შუახევის მუნიციპალიტეტში მდებარე კურორტზე, ამ ეტაპზე მხოლოდ ხუთი კოტეჯი და ერთი კვების ობიექტია. კოტეჯებში ერთდროულად 60 ადამიანის განთავსებაა შესაძლებელი.

გომარდულის ფესტივალს  მთავრობის წევრები, გიდები, ტურისტები, ტურისტული კომპანიებისა და ტურიზმის სექტორის წარმომადგენლები დაესწრებიან.

ღონისძიებაზე  ბენდები „Asea Sool“ და „Fourth Season“ იმღერებენ. კურორტი სპეციალური დეკორაციებით იქნება გაფორმებული. იქ ასულ სტუმრებს დახვდებათ კოცონი, ელექტრონული მუსიკა და გასართობი თამაშები ბავშვებისთვის.

ღონისძიებაზე დასწრების მსურველთათვის მთელი დღის განმავლობაში ბათუმიდან [ბულვარის ტურისტული საინფორმაციო ცენტრი] გომარდულის მიმართულებით იმოძრავებს უფასო ტრანსპორტი. მსურველებმა წინასწარ უნდა გაიარონ რეგისტრაცია. რეგისტრაციისათვის უნდა დარეკოთ ნომერზე 577 90 90 93.

ნეტგაზეთის მასალების სხვა გამოცემებში გადაბეჭდვის წესი
ავტორი