მთავარი,რეკლამა,სიახლეები

ენმ მოსახლეობას ბათუმის საკრებულოში საქმიანობის წლიურ ანგარიშს წარუდგენს [ანონსი]

24.01.2019 • 1558
ენმ მოსახლეობას ბათუმის საკრებულოში საქმიანობის წლიურ ანგარიშს წარუდგენს [ანონსი]

ბათუმის მუნიციპალიტეტის საკრებულოს ფრაქცია „ერთიანი ნაციონალური მოძრაობა“ 30 იანვარს, 12:00 საათზე ბათუმის დემოკრატიული ჩართულობის ცენტრში საზოგადოებას საკუთარი საქმიანობის ერთი წლის ანგარიშს წარუდგენს.

შეხვედრაზე ფრაქციის თავმჯდომარე და წევრები ისაუბრებენ ფრაქციის და მათ მიერ ინიცირებულ პროექტებზე, ბიუჯეტთან დაკავშირებულ შენიშვნებზე, შეაჯამებენ მოსახლეობასთან გამართულ შეხვედრებს, გააცნობენ საზოგადოებას წლის განმავლობაში მიღწეულ შედეგებს და განიხილავენ ფრაქციის სამომავლო გეგმებს. ანგარიშის შემდეგ შეხვედრა კითხვა-პასუხის რეჟიმში გაგრძელდება. აღნიშნულ ღონისძიებას საკრებულოს წევრები, არასამთავრობო ორგანიზაციებისა და მედიის წარმომადგენლები, ასევე სხვა დაინტერესებული პირები დაესწრებიან.

აუდიტორიას საშუალება ექნება მოისმინოს ფრაქციის ანგარიში, მონაწილეობა მიიღოს დისკუსიაში და საკუთარი რეკომენდაციები მიაწოდოს არჩეულ თანამდებობის პირებს.

შეხვედრაზე დასწრება თავისუფალია.

ღონისძიებას ბათუმის მუნიციპალიტეტის საკრებულოს ფრაქცია „ერთიანი ნაციონალური მოძრაობა“ ეროვნულ დემოკრატიული ინსტიტუტის (NDI) ადგილობრივი თვითმმართველობის პროგრამის ფარგლებში ახორციელებს. პროგრამა დაფინანსებულია აშშ-ის საერთაშორისო განვითარების სააგენტოს (USAID) მიერ.

შეხვედრის ადგილი: ბათუმი, ფარნავაზ მეფის #33

გადაბეჭდვის წესი


ასევე: