სიახლეები

H1N1 – 54 ლაბორატორიულად დადასტურებული შემთხვევა აჭარაში

15.01.2019 • 2127
H1N1 – 54 ლაბორატორიულად დადასტურებული შემთხვევა აჭარაში

აჭარის საზოგადოებრივი ჯანდაცვის ცენტრის მონაცემებით, ამ სეზონზე აჭარაში H1/N1 ვირუსის 54 ლაბორატორიულად დადასტურებული შემთხვევა აღირიცხა, აქედან ხუთი პაციენტი ვერ გადაარჩინეს. ცენტრში განმარტეს, ასევე, რომ აჭარაში გრიპის გავრცელების სტატისტიკა ბოლო დღეებში არ გაზრდილა, ჰოსპიტალურ სექტორში ისევ ორასამდე პაციენტი მკურნალობს, ხოლო რეანიმაციულ განყოფილებებში 20 პაციენტია მოთავსებული.  ბოლო დღეებში შემცირებულია ამბულატორული მიმართვიანობა.

გრიპის გავრცელების მონაცემებს მთლიანობაში თუ შევაჯამებთ, აჭარის საზოგადოებრივი ჯანდაცვის ცენტრის ინფორმაციით, გრიპის ვირუსის გავრცელება 2018 წლის ბოლოს დაიწყო და 2019 წლის ორი კვირის მონაცემებით, თითქმის 2-ჯერ გაიზარდა. თუმცა დაავადებათა გავრცელება ჩამორჩება 2016-2017 წლის სეზონის პიკური მდგომარეობის მონაცემებს.

გრიპისა  და  გრიპისმაგვარ  ამბულატორიულ  შემთხვევათა  (ILI)  განაწილება კვირის მიხედვით,  აჭარა,  2018-2019,   2017-2018,    2016-2017,    2015-2016 – წლების მონაცემები

მაჩვენებელი 100 000 მოსახლეზე 2019 წლის პირველი და მეორე კვირის მონაცემებით 391-სა და 395-ს შეადგენს, რაც 31-35-ით ნაკლებია 2016-2017 წლის სეზონის პიკურ მაჩვენებელთან [426] შედარებით.

გრიპისა და გრიპისმაგვარ დაავადებათა ინციდენტობა კვირის მიხედვით [100 000 მოსახლეზე], აჭარა, 2016-2017 და 2018-2019 წლების გრიპის სეზონი

აჭარის საზოგადოებრივი ჯანდაცვის ცენტრის მონაცემებით, ამ წლის პირველ კვირაში, გრიპითა და გრიპისმაგვარ დაავადებათა 377,  გასულ კვირას კი 338 ჰოსპიტალური შემთხვევა დაფიქსირდა, რაც აჭარაში  საერთო ჰოსპიტალიზაციის 31 პროცენტია. ეს რაოდენობა 2016-2017 წლების ანალოგიურ მონაცემებს სჭარბობს.

გრიპისა და გრიპისმაგვარ ჰოსპიტალურ შემთხვევათა [SARI] განაწილება, აჭარა,
2018-2019, 2017-2018, 2016-2017, 2015-2016 – წლების მონაცემები.

H1N1 – ვირუსით გარდაცვლილთა რიცხვი აჭარაში ხუთამდე გაიზარდა

 

გადაბეჭდვის წესი


ასევე: