ბათუმში ორი ავტომანქანა დაიწვა


ბათუმში, ბაგრატიონის ქუჩაზე, ორი მსუბუქი ავტომანქანა დაიწვა. ცეცხლი ავტოსადგომზე გაჩერებულ მანქანებს გვიან ღამით გაუჩნდა. დაშავებული არავინაა.

შემთხვევის ადგილზე იმყოფებოდა სახანძრო-სამაშველო სამსახურის ბრიგადაც, თუმცა ავტომანქანების გადარჩენა ვერ მოხერხდა.

შინაგან საქმეთა სამინისტროს ინფორმაციით, დაწყებულია გამოძიება სისხლის სამართლის კოდექსის 187-ე მუხლის მეორე ნაწილის შესაბამისად, რაც ცეცხლის წაკიდებით ნივთის დაზიანებას ან განადგურებას გულისხმობს. ეს მუხლი სასჯელის სახით თავისუფლების აღკვეთას ითვალისწინებს 3-დან 5 წლამდე.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი