პანკისის ხეობაში დირექტორებსა და პედაგოგებს ევროპის შესახებ ტრენინგებს ჩაუტარებენ



როგორ უნდა წარმართონ საკუთარ სკოლებში ევროპის შესახებ სწავლების ჩატარება – ამის შესახებ პანკისის ხეობაში 20 სკოლის დირექტორებსა და პედაგოგებს ტრენინგი ჩაუტარდებათ.

პედაგოგები თბილისში ორი დღის განმავლობაში დაესწრებიან გამართულ სემინარს, რომელზეც პირველი წყაროდან მიიღებენ ინფორმაციას საქართველოს მიერ შერჩეული ევროინტეგრაციის კურსის თაობაზე.

2019 წლის თებერვალში კი, პედაგოგთა ჯგუფი სასწავლო ვიზიტით ბრიუსელში გაემგზავრება, სადაც ისინი შეხვდებიან ევროპული ინსტიტუტების წარმომადგენლებს.

„ამ ტრენინგის წყალობით პანკისის ხეობის მოსწავლეებს მიეცემათ ევროკავშირსა და საქართველოს ურთიერთობის თაობაზე ზუსტი ინფორმაციის მიღების შესაძლებლობა“.

აღნიშნული ტრენინგი ჩატარდება ევროკავშირის მხარდაჭერით და შერიგებისა და სამოქალაქო თანასწორობის საკითხებში საქართველოს სახელმწიფო აპარატის, საქართველოს განათლების სამინისტროს, ევროკავშირისა და ნატოს საინფორმაციო ცენტრის ერთობლივი პარტნიორობის ფარგლებში.

გადამზადების პროგრამა ხვალ, 20 დეკემბერს, თბილისში დაიწყება.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com