„მშენებლობა და ისტორიული უბნები“ – კვლევის პრეზენტაცია ბათუმში



18 დეკემბერს, 11:00 საათზე, ბათუმის ხელოვნების სასწავლო უნივერსიტეტის საკონფერენციო დარბაზში გაიმართება კვლევის პრეზენტაცია – „მშენებლობა და ისტორიული უბნები“.

კვლევა პროექტის – „ურბანული გამოწვევები და მოსახლეობის ჩართულობა“ ფარგლებში ჩატარდა. პროექტის მიზანია, ადგილობრივ დონეზე არსებული პრობლემების იდენტიფიცირება, ურბანული დაგეგმარების თვალსაზრისით და ამ პრობლემების მოსაგვარებლად საჭირო, ეფექტური მექანიზმების ერთობლივად შემუშავება.

პროექტს ახორციელებს „საგამოძიებო სტუდია REC“-ი, ეროვნულ-დემოკრატიული ინსტიტუტისა (NDI) და ეროვნული წვლილი დემოკრატიისთვის (NED) ფინანსური მხარდაჭერით.

კვლევის პრეზენტაციის შემდეგ გაიმართება დისკუსია.

დასწრება თავისუფალია.

მისამართი: ლუკა ასათიანის ქ. №37

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.