ავარიის შედეგად ბათუმში მოტოციკლისტი დაიღუპა

დღეს, 17 დეკემბერს, ბათუმში, ხიმშიაშვილის ქუჩაზე, ავარიის შედეგად მოტოციკლისტი დაიღუპა.

„ბათუმელების“ ინფორმაციით მოტოციკლეტი მსუბუქ ავტომანქანას შეეჯახა და ამოყირავდა. მოტოციკლეტის მძღოლი ადგილზე გარდაიცვალა.

შს სამინისტროს ინფორმაციით, გამოძიება 276-ე მუხლის მეხუთე ნაწილით მიმდინარეობს, რაც მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა.

ნეტგაზეთის მასალების სხვა გამოცემებში გადაბეჭდვის წესი

ავტორი
ნანა კვაჭაძე, ჟურნალისტი ელფოსტა: kvachadze.n@gmail.com