ფაშისტური სიმბოლიკები საჯარო სკოლის ჭიშკარზე ბათუმში

ბათუმში, მე-8 საჯარო სკოლის რკინის ჭიშკარზე და ჭიშკრის სვეტებზე, ფაშისტური სიმბოლოებია მიხატული. სკოლის ცენტრალური შესასვლელი გრიბოედოვის ქუჩის მხრიდანაა.

სკოლის დირექტორი გივი ხალვაში „ბათუმელებთან“ ამბობს, რომ ფაშისტური სიმბოლოები სკოლის ჭიშკარზე დღეს დილით შეამჩნია. „მანამდე არ მინახავს. დღეს როცა მივედი სკოლაში, შევნიშნე“, – გვითხრა დირექტორმა.

მისი თქმით, ჭიშკარსა და ჭიშკრის სვეტებზე მიხატული ფაშისტური სიმბოლოები სკოლაში სხვებმაც შენიშნეს. „ჩვენ არ დაგვინახავს ვინ დააწერა ეს სიმბოლიკები. სავარაუდოდ, უცხო პირები არიან. ვიყიდით საღებავს და ჭიშკარს გადავღებავთ“, – ამბობს გივი ხალვაში.

მე-8 საჯარო სკოლაში წელს 1846  მოსწავლე სწავლობს.

ფაშისტური სიმბოლოები ბათუმის მე-8 საჯარო სკოლის ჭიშკარსა და ჭიშკრის სვეტებზე.
ფოტო: თედო ჯორბენაძის

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com