„BATUMI BUILD 2018“ 7-9 დეკემბერს გაიმართება

მიმდინარე წლის 07-09 დეკემბერს ქალაქ ბათუმში, სასტუმრო „ეუფორიაში“, სამშენებლო მასალებისა და ტექნოლოგიების მე-8 საერთაშორისო გამოფენა „BATUMI BUILD 2018“ გაიმართება, რომლის ორგანიზატორია საქართველოში ერთ-ერთი პირველი საგამოფენო კომპანია „GEONET EXPO“. კომპანია გამოფენების ორგანიზებით ხელს უწყობს რეგიონში ამ სფეროს განვითარებას.

გამოფენაზე წარმოდგენილი იქნება სამშენებლო სფეროში დანერგილი ახალი ტექნოლოგიები, სამშენებლო მასალები, აღჭურვილობა, დანადგარები, კონდიცირებისა და გაგრილების სისტემები, არქიტექტურული ტექნოლოგიები, ასევე, ინტერიერისა და ექსტერიერის დიზაინი.

ბათუმის მე-8 საერთაშორისო სამშენებლო მასალებისა და დეველოპერების გამოფენა-გაყიდვაში მონაწილეობენ როგორც ადგილობრივი, ისე უცხოური კომპანიები.

გამოფენა საშუალებას მისცემს მონაწილე კომპანიებს გააცნოს თავისი პროდუქცია, გაცვალოს ბიზნესკონტაქტები, გაეცნოს სამშენებლო და დიზაინის სფეროში არსებულ სიახლეებს და ახალ ტექნოლოგიებს.

ნეტგაზეთის მასალების სხვა გამოცემებში გადაბეჭდვის წესი


ავტორი