დაცული ტერიტორიების სააგენტო დრონებს შეიძენს



საქართველოს დაცული ტერიტორიების სააგენტო დისტანციურად მართვად სამ საფრენ აპარატს, დრონს შეიძენს.

სააგენტომ ელექტრონული ტენდერი უკვე გამოაცხადა. შესყიდვის სავარაუდო ღირებულება 15 500 ლარია.

ტენდერის ტექნიკური დავალების თანახმად საფრენი მოწყობილობის წონა 907 გრამი უნდა იყოს, პიქსელების რაოდენობა – არანაკლებ 20 მილიონისა, მაქსიმალური სიჩქარე არანაკლებ 70 კმ საათში, მაქსიმალური მომსახურების ზღვარი – ზღვის დონიდან არანაკლებ 6000 მეტრი, მაქსიმალური ფრენის მანძილი (უქარო ამინდში) – არანაკლებ 18 კმ.

მოწოდებულ საქონელს თან უნდა ახლდეს ქარხნული შეფუთვით გათვალისწინებული ყველა შესაბამისი აქსესუარი. საქონლის მიწოდება უნდა მოხდეს არაუგვიანეს 2018 წლის 26 დეკემბრისა.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.