კომპანია „სანტექსერვისი“ ბათუმშია-სანტექნიკური პრობლემების მარტივი გადაწყვეტა 24/7

ხშირად უმნიშვნელო სანტექნიკური პრობლემა თქვენთვის ან ახლო მეზობლისთვის შეიძლება მნიშვნელოვან მატერიალურ ზარალში გადაიზარდოს. თუ დროულად და საფუძვლიანად არ აღმოვფხვრით არსებულ დაზიანებას, ის განმეორებით აუცილებლად იჩენს თავს და, შესაბამისად, მანამდე გაწეული ძალისხმევა წყალში გადაყრილი აღმოჩნდება.

თუ თქვენ ცხოვრობთ ბათუმში ან მიმდებარედ – სანაპირო ზოლში, ხართ ფიზიკური ან იურიდიული პირი და გჭირდებათ უმოკლეს ვადაში კვალიფიციური სანტექნიკური მომსახურება, კომპანია „სანტექ.სერვისს“ უნდა დაუკავშირდეთ.

კომპანია „სანტექ.სერვისი“ 2012 წლიდან უწევს მომსახურებას თბილისში, რუსთავსა და მცხეთაში როგორც ფიზიკურ, ასევე იურიდიულ პირებს წყალმომარაგების, კანალიზაციის, სანიაღვრე და გათბობის სისტემების საავარიო და სამონტაჟო სამუშაოებზე 24/7-ზე.

რატომ უნდა აირჩიოთ „სანტექ.სერვისი“, რა სერვისის მიღებას შეძლებთ აჭარაში და ვინ შეიძლება ისარგებლოს მომსახურებით – ამ საკითხზე კომპანიის დირექტორი, ზვიად სამუშია საუბრობს:

ბათუმის სერვისცენტრი გაიხსნა 2018 წლის 1 ოქტომბრიდან და ვემსახურებით ქობულეთიდან სარფამდე, აჭარის რეგიონის შავი ზღვის სანაპირო ზოლში არსებულ როგორც ფიზიკურ, ასევე იურიდიულ პირებს.

ზვიად სამუშია

ზვიად სამუშია

  • აჭარის რეგიონში თქვენი კომპანია სრული სერვისით შემოვიდა თუ ნაწილობრივ? თანამედროვე ტექნოლოგიური აპარატებით თუ არის აღჭურვილი თქვენი კომპანია, მაგალითად, შეგიძლიათ ფარული დაზიანების აღმოჩენა და ა.შ.

კომპანია ,,სანტექ.სერვისის” ბათუმის სერვისცენტრი სრულ მომსახურებას სთავაზობს მომხმარებელს წყალმომარაგების, კანალიზაციის, სანიაღვრე და გათბობის სისტემებზე. შეგვიძლია  წყალმომარაგების მილის ფარული დაზიანების მოძებნა (სპეცაპარატით), მილების დათვალიერება ვიდეოთვალით (სპეცაპარატით), საკანალიზაციო ქსელის რეცხვა წყლის ჭავლით (სპეცტექნიკით), საკანალიზაციო ჭების ამოტუმბვა (სპეცტექნიკით) და სხვა. ჩვენ ყველა ტიპისა და სირთულის სამუშაოს ვასრულებთ.

  • ვინ არის თქვენი პოტენციური მომხმარებელი?

კომპანია ,,სანტექ.სერვისის” მომხმარებლები არიან როგორც ფიზიკური, ასევე იურიდიული პირები, განსაკუთრებით გამოვყოფდით რესტორნებს, სასტუმროებს, სკოლებსა და საბავშვო ბაღებს. ეს იმ ორგანიზაციების ჩამონათვალია, სადაც ყოველდღიურ რეჟიმში გვიწევს მომსახურების გაწევა.

  • ჯერ კიდევ პოპულარულია „მეგობრის რეკომენდაციით“ ან „ბირჟიდან“ ხელოსნის გამოძახება. მაღალტექნოლოგიური და კომპეტენტური მომსახურების გარდა, რა სთავაზობთ მომხმარებელს, მაგალითად, როგორი ფასები გაქვთ?

ვიდრე აჭარის რეგიონში კომპანია ,,სანტექ.სერვისის” ფილიალის გავხსნიდით, წინასწარ ჩავატარეთ ბაზრის კვლევა, რომელმაც გვიჩვენა, რომ ჩვენი კომპანიის ფასები კერძო ხელოსნების ფასებთან შედარებით კონკურენტუნარიანი და ხელმისაწვდომია მომხმარებლისთვის.

  • ,,ტრადიციული სანტექნიკოსის“ და თქვენი კომპანიის მომსახურება რომ შევადაროთ – რა უპირატესობა გაქვთ?

კომპანია „სანტექ.სერვისი“, პირველ რიგში, გამოირჩევა სწრაფი მომსახურებით. ასევე, ტექნიკური ჯგუფები დაკომპლექტებულია კვალიფიციური და ვიზუალურად მოწესრიგებული  ხელოსნებით, აღჭურვილია ყველა საჭირო სპეცაპარატურით და სპეცტექნიკით, სათადარიგო ნაწილების საჭირო მარაგით. ზემოაღნიშნული პრიორიტეტები აძლევს კომპანიას საშუალებას, მომხმარებელს მიაწოდოს მაღალი ხარისხის მომსახურება. აქვე გეტყვით, რომ კომპანია ,,სანტექ.სერვისს” 2017 წელს ევროპელი აუდიტებმა მიანიჭეს ISO-9001:2015 ხარისხის საერთაშორისო სერტიფიკატი. ეს, ერთი მხრივ, კომპანიის მიმართ მაღალ ნდობას გულისხმობს, მეორეს მხრივ ჩვენ გვაკისრებს დიდ პასუხისმგებლობას.

  • თქვენ აჭარის ბაზარზე ერთი თვეა რაც გამოჩნდით. შეგიძლიათ დაასახელოთ 2-3 პრობლემა, რის გამოც უკვე მოგმართათ მომხმარებელმა?

მომხმარებელმა თითქმის ყველა სერვისით ისარგებლა, მაგრამ დიდი ინტერესი გამოიწვია და ხშირი იყო გამოძახება საკანალიზაციო მილებისა და ე.წ. შახტების ვიდეო თვალით დათვალიერებაზე, საკანალიზაციო ქსელების წყლის ჭავლით რეცხვასა და ფარული დაზიანების ძებნაზე, რაზედაც კომპანია „სანტექ.სერვისმა“ მაღალი ხარისხის მომსახურება მიაწოდა მომხმარებლებს.

  • გაქვთ თუ არა დაგროვებითი ბარათები, სეზონური ან/და სხვა ფასდაკლებები?

კომპანია ,,სანტექ.სერვისი“ მომხმარებლებს (ფიზიკურ პირებს) სთავაზობს 20%-იან ფასდაკლების ბარათებს (საჩუქრად). ბარათის საშუალებით შეუძლია მომხმარებელმა დაარეგისტრიროს 2 (ორი) საცხოვრებელი სახლი (მაგალითად, თბილისში და ბათუმში) და მიიღოს  მომსახურება დიდი ფასდაკლებით. ასევე გამოვყოფდი სააბონენტო მომსახურების პაკეტს, რომლის ფარგლებშიც კომპანია იურიდიულ პირებს სთავაზობს მინიმალური ფასად 24-საათიან ულიმიტო მომსახურებას (სკოლებს, ბაღებს, რესტორნებს, სასტუმროებს და ა.შ.)


კომპანია ,,სანტექ.სერვისი“ დასახმარებლად შეგიძლიათ გამოიძახოთ როგორც ონლაინ, სოციალური ქსელის მეშვეობით (ფბ: santeqservisi/santeqservice), ისე 24-საათიანი ცხელი ხაზის ოპერატორის მომსახურებით. ტელ.: 0322 45 45 46.

ნეტგაზეთის მასალების სხვა გამოცემებში გადაბეჭდვის წესი


ავტორი