რიგები სარფის საბაჟოზე – თურქეთის მხარეს ელექტროენერგიასთან დაკავშირებული პრობლემებია

დღეს, 18 ნოემბერს, სარფის საბაჟოზე, ნეიტრალურ ტერიტორიაზე, მოქალაქეები ხალხმრავალ რიგში აღმოჩნდნენ.

„ნეიტრალურ ტერიტორიაზე გავიჭედეთ, ძალიან ბევრი ხალხია. ამბობენ, სისტემაა გათიშული თურქულ მხარესო“ – უთხრა „ბათუმელებს“ ერთ-ერთმა მოქალაქემ, რომელიც თავადაც ამ რიგში იმყოფება.

ბათუმში თურქეთის საკონსულოში „ბათუმელებს“ უთხრეს, რომ რიგის მიზეზი თურქეთის მხარეს ელექტროენერგიასთან დაკავშირებული პრობლემებია, წარმოიქნა შეფერხება და მიმდინარეობს სამუშაოები, თუმცა კონკრეტულად რა დროში აღმოიფხვრება შეფერხება, საკონსულოში დაზუსტებით ვერ ამბობენ.

ნეტგაზეთის მასალების სხვა გამოცემებში გადაბეჭდვის წესი


ავტორი
ნანა კვაჭაძე, ჟურნალისტი ელფოსტა: kvachadze.n@gmail.com