ბათუმში 14 წლის ბიჭი დაჭრეს

დღეს, 17 ნოემბერს, დაახლოებით 16:00 საათისთვის, ბათუმში მოზარდებს შორის შელაპარაკების შედეგად 14 წლის ბიჭი დაჭრეს.  მოზარდს ოთხი ჭრილობა დანით მიაყენეს.

როგორც “ბათუმელებისთვის” გახდა ცნობილი, მოზარდი სასწრაფოს მისვლამდე, პოლიციის მანქანით გადაიყვანეს იაშვილის სახელობის ბათუმის დედათა და ბავშვთა ცენტრალურ საავადმყოფოში.

დაზარალებულს ამ წუთებში უკეთდება ოპერაცია. ჭრილობა სიცოცხლისთვის საშიში არ არის.

შინაგან საქმეთა სამინისტროს ინფორმაციით, მომხდარ ფაქტზე გამოძიება დაიწყო სსკ-ის 19-108-ე მუხლით [განზრახ მკვლელობის მცდელობა]. ჯერჯერობით დაკავებული არავინაა. უწყების ცნობით, ამ ეტაპზე  საგამოძიებო მოქმედებები მიმდინარეობს.

ნეტგაზეთის მასალების სხვა გამოცემებში გადაბეჭდვის წესი


ავტორი