მთავარი,სიახლეები

„მოტყუებით მიგვიყვანეს“ – სტუდენტი ბათუმში „ოცნების“ წინასაარჩევნო შეხვედრაზე

16.11.2018 • 8698
„მოტყუებით მიგვიყვანეს“ – სტუდენტი ბათუმში „ოცნების“ წინასაარჩევნო შეხვედრაზე

„ქართული ოცნების“ მხარდამჭერებმა დღეს, 16 ნოემბერს, ბათუმის საზაფხულო თეატრში შეხვედრა მოაწყვეს. საზღვაო აკადემიის ერთ-ერთი სტუდენტი, რომლის ვინაობასაც არ ვასახელებთ, ამ შეხვედრას ესწრებოდა. ის ამბობს, რომ ის და მისი მეგობრები – საზღვაო აკადემიის სტუდენტები, მოტყუებით აღმოჩნდნენ საზაფხულო თეატრში.

„გვითხრეს ოფიცრებმა, რომ შეხვედრა დათო მაღრაძესთან იქნებოდა, ჰიმნის ავტორთან, თან კონცერტი იქნებაო, მანამდე შეკითხვებიც შეგიძლიათ დასვათო… ჩემი ერთი მეგობარი მართლა იმიტომ წამოვიდა, რომ კითხვები მაქვს ჰიმნთან დაკავშირებითო, მაგრამ იქ მსგავსი არაფერი დაგვხვედრია – პოლიტიკური მოწოდებები იყო მხოლოდ სალომე ზურაბიშვილის სასარგებლოდ. იქ იყო დათო მაღრაძე და სხვებიც. სიტყვით მიმართავდა ხალხს ვახტანგ ღლონტი, გოგა ხაინდრავა და ასე შემდეგ, იყვნენ ბიზნესმენებიც. ისინი ყვებოდნენ ისტორიებს და მოუწოდებდნენ ხალხს, თუ რატომ უნდა დაეჭირათ მხარი „ქართული ოცნებისთვის“. შეხვედრაზე იყვნენ მოხუცებიც, ბავშვებიც, სავსე იყო დარბაზი. ჩვენ მალე დავტოვეთ შეხვედრა,“ – ამბობს სტუდენტი.

შეხვედრა საზაფხულო თეატრში საღამოს 5 საათზე დაიწყო.

 

გადაბეჭდვის წესი


ასევე: