English Book Education: TOEFL® ტესტის ექსკლუზიური წარმომადგენელი მთელ ამიერკავკასიაში 

თინი თურმანიძე სკოლა „მასტერკლასის“ მეცხრე კლასის მოსწავლეა. გასულ წელს სკოლა English Book Education-ის მიერ განხორციელებულ პროგრამაში ჩაერთო, რაც მოსწავლეების ინგლისური ენის ცოდნის დონის TOEFL® ტესტის საშუალებით შემოწმებას გულისხმობს. აღნიშნულ ტესტში მან 900-დან 890 ქულა მიიღო, რაც ნამდვილად მაღალი შედეგია.

10 წელზე მეტია, რაც English Book Education განათლების სფეროში წარმატებით მოღვაწეობს. აღნიშნული კომპანია საშუალებას გაძლევთ შეისწავლოთ ინგლისური ენა თანამედროვე, უნიკალური მეთოდებით, ციფრული ტექნოლოგიების გამოყენებით, სკოლამდელი ასაკიდან საშუალო განათლების ჩათვლით. კომპანია ამჟამად 32 უნივერსიტეტსა და 2500-ზე მეტ სკოლას სთავაზობს უახლეს მიდგომებს განათლების სფეროში, TOEFL® ტესტის პროგრამაში კი 12 ათასზე მეტი სკოლის მოსწავლეა ჩართული.

English Book Education-ის საგანმანათლებლო პლატფორმა რამდენიმე კომპონენტს მოიცავს:

  • დაწყებითი და საშუალო განათლება;
  • უმაღლესი განათლება;
  • მასწავლებლის გადასამზადებელი აკრედიტებული ცენტრი;
  • ინგლისური ენის ცენტრი თბილისში – Unique Learning;
  • TOEFL® ტესტი;
  • King’s and Queen’s Club – წიგნის კლუბი.

აღნიშნული კომპანია გვთავაზობს თანამედროვე სახელმძღვანელოებს, რომლებიც მორგებულია საერთაშორისო სტანდარტებს, აღჭურვილია CD და DVD დისკებით, Online პლატფორმებით, ლექსიკონებითა და სხვა მრავალი რესურსით. კომპანია თანამშრომლობს ისეთ გამომცემლობებთან, როგორებიცაა: Macmillan Education, Oxford University Press, Cambridge University Press, Pearson Education, National Geographic Learning და ა.შ. English Book Education-ის მიზანია სკოლებს, მოსწავლეებს, მასწავლებლებსა და უნივერსიტეტის სტუდენტებს შესთავაზოს მათ ინტერესებზე მორგებული პროგრამები.

კომპანიის აღმასრულებელი ვიცე-პრეზიდენტი მიხეილ გურგენიძე ამბობს, რომ უცხოელი და ქართველი სპეციალისტები ყოველწლიურად  დაახლოებით 6 000 მასწავლებელს უტარებენ პროფესიულ ტრენინგებს: „პერიოდულად უცხოელი ტრენერები ქართველ მასწავლებლებს უტარებენ ტრენინგებს და ეხმარებიან მათ განავითარონ წერის, კითხვის, მოსმენისა და საუბრის უნარები. ჩვენი წარმომადგენლები ესწრებიან გაკვეთილებს და აკვირდებიან მათ მიმდინარეობას. ტრენინგებისა და ინდივიდუალური შეფასების შემდეგ მასწავლებლები აბარებენ შესაბამის გამოცდას“.

ამასთანავე, English Book Education-ს აქვს ინოვაციური პროგრამა – წიგნის კლუბი, რომელიც სკოლის მოსწავლეთა შორის პოპულარობით სარგებლობს. როდესაც სკოლა ერთვება აღნიშნულ პროექტში, მოსწავლეებს უფასოდ გადაეცემათ შვიდი ინგლისურენოვანი წიგნი. თვეში ერთხელ მათთან სკოლაში მიდის ინგლისურენოვანი პედაგოგი და მოსწავლეებთან ერთად განიხილავს იმ წიგნს, რომელიც მათ გასულ თვეში წაიკითხეს. ამავდროულად, მოსწავლეები უფასოდ ერთვებიან ინტელექტუალურ თამაშში, რომელიც მთელი ქვეყნის მასშტაბით ტარდება.

გასულ წელს მასში 5 ათასი მოსწავლე მონაწილეობდა. წელს კი ეს რიცხვი მნიშვნელოვნად გაიზარდა. თბილისში არსებული ინგლისური ენის ცენტრი – Unique Learning ყოველწლიურად არჩევს საუკეთესო მოსწავლეებს და მათ საშუალებას აძლევს, HMC სასტიპენდიო პროგრამით მიიღონ 40 000 ფუნტის ოდენობის სასწავლო სტიპენდია დიდ ბრიტანეთში სწავლის გასაგრძელებლად.

English Book Education აჭარაში

English Book Education აჭარაში წლებია მოღვაწეობს და თანამშრომლობს კერძო თუ საჯარო სკოლებთან, უნივერსიტეტთან. მაგალითად: English Book Education სკოლა „მასტერკლასთან“ თანამშრომლობს, სადაც აკონტროლებს სწავლების ხარისხს, ატრენინგებს მასწავლებლებს პროფესიულ უნარ-ჩვევებში და მონიტორინგს უწევს მოსწავლეთა პროგრესს. კომპანია სხვადასხვა ტიპის TOEFL® ტესტის საშუალებით ეფექტურად ამოწმებს მოსწავლეთა ინგლისური ენის ცოდნის დონეს ყველა ასაკობრივ კატეგორიაში და აძლევს მათ შესაბამის რეკომენდაციებს სამომავლო განვითარებისთვის.

როგორც სკოლა-ლიცეუმის დამფუძნებელი, ნათია ნიკაჩაძე ამბობს: „ინგლისური წიგნის ექსპერტები ესწრებიან საგაკვეთილო პროცესს და დეტალურად განიხილავენ პროგრამაში ჩართული მოსწავლეების პროგრესს ან ნებისმიერ პრობლემას. წელიწადში 2-ჯერ, ტესტირების საფუძველზე, ადგენენ მოსწავლეთა ცოდნის დონეს.
მოსწავლეებს გადაეცემათ ელექტრონული ბიბლიოთეკის ქსელი. მოსწავლეები, რომლებსაც მაღალი მაჩვენებელი ჰქონდათ კითხვაში, ჩართულნი არიან წიგნის კლუბში. მათ წლის განმავლობაში საჩუქრად გადაეცემათ წიგნები, კლუბს ხელმაძღვანელობს უცხოელი პედაგოგი. ვისაც მაღალი ქულა აქვს, ფინანსდება Quiditch ინტელექტუალური თამაშში“, ასევე ზაფხულის პერიოდში იგზავნებიან სტაჟირებაზე.“

English Book Education-ის გამოცდების პორტფოლიოს მენეჯერი, ანი ამბობს, რომ TOEFL® არ არის მხოლოდ ტესტი, იგი ცოდნის პროგრესის ეფექტური მაკონტროლებელი მექანიზმია. ტესტი აფასებს კანდიდატის ინგლისური ენის ცოდნის დონეს და ასევე უვითარებს მათ ისეთ მნიშვნელოვან უნარებს, როგორებიცაა, მაგალითად, კრიტიკული აზროვნება, გადაწყვეტილების მიღება და ა.შ.

„ტესტის საშუალებით სრულად ვაფასებთ კანდიდატის ცოდნის დონეს, ვადგენთ მის ნაკლებად ძლიერ მხარეებს და მთელი წლის განმავლობაში აქტიური ჩართულობით ვეხმარებით წინსვლასა და ცოდნის გაუმჯობესებაში. წლის ბოლოს ვატარებთ პროგრესის შესამოწმებელ ტესტს და გავცემთ საერთაშორისოდ აღიარებულ სერტიფიკატს. ასევე შევქმენით TOEFL® ტესტის მშობლის გზამკვლევი, რაც ნებისმიერ მშობელს დაეხმარება გაიგოს თავისი შვილის ზუსტი დონე ინგლისურ ენაში და მისი საჭიროებები საერთაშორისო სტანდარტის შესაბამისად “.

TOEFL® ტესტის ჩაბარების შემდეგ კომპანია მაღალქულიან კანდიდატებს სხვადასხვაგვარად ასაჩუქრებს: გადასცემს მათ ინგლისურენოვან საკითხავ ლიტერატურას, საშუალებას აძლევს სტაჟირება გაიარონ English Book Education-ის მათთვის სასურველ დეპარტამენტში და სრულიად უფასოდ სთავაზობს კომპანიის მიერ ორგანიზებულ Quidditch ინტელექტუალურ თამაშში მონაწილეობას. English Book Education – ეს არის ადგილი, სადაც სწავლება და სწავლების მონიტორინგი თანამედროვე მეთოდებით მიმდინარეობს და სრულად მორგებულია საერთაშორისო სტანდარტებს.

English Book Education- თქვენი პარტნიორი განათლებაში!

ნეტგაზეთის მასალების სხვა გამოცემებში გადაბეჭდვის წესი


ავტორი