ბათუმის შემოსასვლელში, ესტაკადაზე მოძრაობა დროებით შეიზღუდება

შინაგან საქმეთა სამინისტროს საპატრულო პოლიციის დეპარტამენტის ცნობით, ბათუმის შესასვლელში ესტაკადაზე მიმდინარე საგზაო სამუშაოებთან დაკავშირებით, ავტოტრანსპორტის მოძრაობა ნაწილობრივ შეიზღუდება.

8 ნოემბრის საღამოდან 9 ნოემბრის დილის 09:00 საათამდე, ბათუმის მიმართულებით მოძრავი მანქანებისთვის გადაადგილება შესაძლებელი იქნება ალტერნატიული შემოვლითი გზით.

საპატრულო პოლიციის დეპარტამენტის ცნობით, საგზაო სამუშაოების მიმდინარეობის პერიოდში, გზის აღნიშნულ მონაკვეთზე საავტომობილო მოძრაობას საპატრულო პოლიციის ეკიპაჟები დაარეგულირებენ.

ნეტგაზეთის მასალების სხვა გამოცემებში გადაბეჭდვის წესი


ავტორი
ნანა კვაჭაძე, ჟურნალისტი ელფოსტა: kvachadze.n@gmail.com