მთავარი,სიახლეები

პედოფილია კათოლიკურ ეკლესიაში – საფრანგეთში საკითხის გამოსაკვლევად კომისია შექმნეს

08.11.2018 • 1938
პედოფილია კათოლიკურ ეკლესიაში – საფრანგეთში საკითხის გამოსაკვლევად კომისია შექმნეს

ეპისკოპოსებისგან შექმნილმა სპეციალურმა კომისიამ, რომელიც გუშინ, 7 ნოემბერს შეიქმნა, საფრანგეთში კათოლიკურ ეკლესიებში 1950 წლიდან მომხდარი პედოფილიის ფაქტები უნდა შეისწავლოს. კვლევის შედეგები დამოუკიდებელმა კომისიამ ორ წელიწადში უნდა გამოაქვეყნოს.

კომისიამ კვლევის დასასრულს რეკომენდაციები უნდა შეიმუშავოს და შეისწავლოს გარემოებები და მიზეზები, რამაც კათოლიკურ ეკლესიებში პედოფილიის ფაქტების მომრავლება განაპირობა.

კომისიის შექმნის აუცილებლობა მას შემდეგ გაჩნდა, რაც 3 ნოემბერს  საფრანგეთის ეპისკოპოსებისა და კათოლიკურ ეკლესიებში პედოფილიის მსხვერპლთა შეხვედრა გაიმართა.

კომისია მოისმენს და შეისწავლის პედოფილიის მსხვერპლთა ისტორიებს, მონათხრობს, რათა შესაძლებელი გახდეს პრობლემის გამომწვევი მიზეზების დადგენა.

დამოუკიდებელი კომისია, კვლევის საბოლოო შედეგის დადგომამდე,  პედოფილიასთან ბრძოლის პერიოდულ ანგარიშებსა და პუბლიკაციებს გამოაქვეყნებს.

საფრანგეთში, კათოლიკურ ეკლესიებში, პედოფილიის მსხვერპლთა ფინანსური კომპენსაციაც იგეგმება, მორალური ზიანის სანაცვლოდ.


წყარო: Le Monde

გადაბეჭდვის წესი


ასევე: