რუსთაველის ქუჩაზე ორ მოქალაქეს ავტომანქანა დაეჯახა

ბათუმში, რუსთაველის ქუჩაზე, სასტუმრო „ჰოლტონთან“ ორ მოქალაქეს მსუბუქი ავტომანქანა დაეჯახა. ადგილზე მყოფი მოქალაქეების თქმით, მანქანა ცოლ-ქმარს დაეჯახა ქუჩის გადაკვეთის დროს.

სასწრაფო-სამედიცინო სამსახურის ინფორმაციით, დაშავებულ ქალს მოტეხილობები ჰქონდა სხეულის სხვადასხვა ადგილზე და ის ბათუმის საუნივერსიტეტო კლინიკაში გადაიყვანეს, მამაკაცის მდგომარეობა კი მძიმეა. იგი ბათუმის რეფერალურ ჰოსპიტალში მოათავსეს.

შინაგან საქმეთა სამინისტროს ინფორმაციით, გამოძიება დაიწყო სისხლის სამართლის კოდექსის 276-ე მუხლის პირველი ნაწილის შესაბამისად, რაც ავტოსატრანსპორტო საშუალების მოძრაობის, ან ექსლუატაციის წესების დარღვევას გულისხმობს.

ნეტგაზეთის მასალების სხვა გამოცემებში გადაბეჭდვის წესი


ავტორი