დღეიდან, 7 ნოემბრიდან, ა(ა)იპ „ბათუმის გამწვანებისა და ლანდშაფტური დაგეგმარების სამსახურს“ ახალი ხელმძღვანელი ჰყავს. სამსახურის დირექტორად დავით დიასამიძე დაინიშნა. სამსახურის ინფორმაციით, ახალი ხელმძღვანელი თანამშრომლებს ბათუმის ვიცე-მერმა, თენგიზ პეტრიძემ წარუდგინა.
დავით დიასამიძე პროფესიით იურისტია. წლების განმავლობაში სხვადასხვა სახელმწიფო სტრუქტურაში და ბიზნესსექტორში მუშაობდა. ბოლოს კი ის თავდაცვის სამინისტროს ლოჯისტიკისა და ინფრასტრუქტურის სამსახურში მუშაობდა.
2018 წლის პირველი იანვრიდან 5 ნოემბრამდე სამსახურის უფროსის მოვალეობას მოადგილე – შავლეგ ფხაკაძე ასრულებდა.