მიმდინარე წლის 2 ნოემბერს გერმანიის ფედერაციული რესპუბლიკის ელჩი საქართველოში ბატონი ჰუბერტ ქნირში მეუღლესთან და თანმხლებ პირებთან ერთად ოფიციალური ვიზიტით ეწვია სკოლა ევრო-2000-ს.
სტუმრებმა დაათვალიერეს სკოლის შენობა, გაეცნენ სასწავლო პროცესს და სკოლაში მიმდინარე გერმანულ და სხვა პროექტებს.
საელჩოს წარმომადგენლებსა და სკოლის მოსწავლეებს შორის შეხვედრა წარიმართა კითხვა-პასუხის რეჟიმში. ელჩის მეუღლის – ევა მარია ქნირშის ინიციატივით გაიმართა ვიქტორინა მოსწავლეთა მონაწილეობით. გამარჯვებულებს გადაეცა გერმანიის საელჩოს მიერ დაწესებული პრიზები და სამახსოვრო საჩუქრები.
შედგა შეხვედრა გერმანული ენის პედაგოგებთან და სკოლის დირექციასთან, სადაც ისაუბრეს სამომავლო თანამშრომლობასა და გეგმებზე.
სკოლა ევრო-2000-ის შესახებ მათი ღრმა შთაბეჭდილებები საპატიო სტუმრების წიგნში დააფიქსირდა. ელჩის შეფასებით „სკოლა ევრო-2000 არის იდეალური სკოლა!“.
დელეგაციამ სკოლის კვლავ მონახულების სურვილი გამოთქვა.