გაფრთხილება: ეს არ არის არჩევნების საბოლოო მონაცემები. ხმების დათვლა სხვადასხვა საარჩევნო უბანზე მიმდინარეობს და ოქმები ეტაპობრივად იტვირთება ცენტრალური საარჩევნო კომისიის ვებგვერდზე.
ცენტრალური საარჩევნო კომისიის ვებგვერდზე ოქმების ატვირთვა მიმდინარეობს. ამ დროისათვის ვებგვერდზე ატვირთულია 5 ოქმი. ოქმების მიხედვით, არჩევნები ამ უბნებზე ერთიანი ნაციონალური მოძრაობის კანდიდატმა, გრიგოლ ვაშაძე მოიგო.
ბათუმის #51 საარჩევნო უბანზე გრიგოლ ვაშაძემ 249 ხმა მიიღო, სალომე ზურაბიშვილმა – 177.
#57 საარჩევნო უბანზე ვაშაძეს 271-მა ამომრჩეველმა მისცა ხმა, სალომე ზურაბიშვილს – 217-მა.
ბათუმის #72 საარჩევნო უბანზე გრიგოლ ვაშაძემ 210 ხმა მიიღო, სალომე ზურაბიშვილმა კი 173 ხმა.
#78 საარჩევნო უბანზე გრიგოლ ვაშაძემ 234 ხმა მიიღო, სალომე ზურაბიშვილმა კი 216 ხმა.
ბათუმის #102 საარჩევნო უბანზე გრიგოლ ვაშაძეს 287-მა ამომრჩეველმა მისცა ხმა, სალომე ზურაბიშვილს – 51-მა.
„ბათუმელების“ ინფორმაციით, გრიგოლ ვაშაძე იგებს ბათუმის #67 საარჩევნო უბანზეც. ვაშაძემ აქ 335 ხმა მიიღო, სალომე ზურაბიშვილმა კი – 160 ხმა.
კიდევ ერთ, ბათუმის #59 საარჩევნო უბანზე მოიგო არჩევნები გრიგოლ ვაშაძემ, 326 ხმით. ამავე უბანზე სალომე ზურაბიშვილმა 195 ხმა მიიღო.
ბათუმის #9 საარჩევნო უბანი კი პრეზიდენტობის კანდიდატმა, სალომე ზურაბიშვილმა მოგო. ხმები ასე გადანაწილდა: 237 ხმა – სალომე ზურაბიშვილი, 208 ხმა – გრიგოლ ვაშაძე.
_______
ფოტოზე: პრეზიდენტის არჩევნები ბათუმში. ფოტო: „ბათუმელები“, ცაგო კახაბერიძე