ბათუმის 25-ე საარჩევნო უბანზე მარკირების შესამოწმებელი აპარატი დაახლოებით 10 წუთის განმავლობაში არ მუშაობდა. ამ დროის განმავლობაში ხმის მიცემის პროცესი უბანზე შეჩერებული იყო.
როგორც საიას ბათუმის ფილიალის ხელმძღვანელი ანნა მდინარაძე „ბათუმელებს“ ეუბნება, საიას დამკვირვებელმა, მომხდართან დაკავშირებით საჩივარი დაწერა და გაკეთდა შენიშვნაც.
„ამის შემდეგ მოიტანეს ახალი აპარატი“ – ამბობს ანნა მდინარაძე.
ბათუმის საოლქო საარჩევნო კომისიის ხელმძღვანელი ციალა შავაძე ამბობს, რომ მარკირების შესამოწმებელი აპარატის გაუმართაობის შესახებ ინფორმაცია რა ჰქონდა მიღებული.
„ახლა გადავამოწმეთ, ტექნიკური პრობლემა ყოფილა, გამოსწორდა და ყველაფერი წესრიგშია“-გვეუბნება ის.