ცენტრალური საარჩევნო კომისიის ინფორმაციით, აჭარაში მდებარე ექვს საარჩევნო ოლქში სულ 311 149 ამომრჩეველია რეგისტრირებული.
აქედან ყველაზე მეტი ამომრჩეველი ბათუმში – სულ 143 372 ამომრჩეველი.
სხვა მუნიციპალიტეტებში კი ამომრჩეველთა რაოდენობა ასე ნაწილდება:
[checklist]
- ქობულეთი – 68 017 ამომრჩეველი
- ხელვაჩაური – 44 898 ამომრჩეველი
- ხულო – 24 097 ამომრჩეველი
- ქედა – 15 668 ამომრჩეველი
- შუახევი – 15 097 ამომრჩეველი
[/checklist]
ჯამში, ცენტრალური საარჩევნო კომისიის მონაცემებით, 2018 წლის 28 ოქტომბრის საქართველოს პრეზიდენტის არჩევნებისთვის 3 518 877 ამომრჩეველია რეგისტრირებული. მათ შორის 14 795 ამომრჩეველი საზღვარგარეთ მისამართზე რეგისტრირებული მოქალაქეა.
არჩევნების ჩასატარებლად გახსნილია 3 703 საარჩევნო უბანი. მათ შორის 55 – საზღვარგარეთ, 11 კი გამონაკლის შემთხვევაში შექმნილი უბანი.
ორი საარჩევნო უბანში, ავღანეთში, უკვე ჩატარდა კენჭისყრა იქ მოსამსახურე ქართველი სამხედროებისთვის. ცესკოს ინფორმაციით, აღნიშნული ხმები დაითვლება 28 ოქტომბერს საქართველოში კენჭისყრის დასრულების შემდეგ.
ცესკოს ინფორმაციით, საპრეზიდენტო არჩევნებზე რეგისტრირებულია საარჩევნო სუბიექტების 82 000-ზე მეტი წარმომადგენელი, 73 ადგილობრივი სადამკვირვებლო ორგანიზაციის 22 000-ზე მეტი დამკვირვებელი და 58 საერთაშორისო ორგანიზაციის 1100-ზე მეტი საერთაშორისო დამკვირვებელი. საარჩევნო პროცესს გააშუქებს 125 მედია ორგანიზაციის 2000-ზე მეტი ჟურნალისტი; აკრედიტებულ მედიასაშუალებებს შორის 31 საერთაშორისო და 94 ადგილობრივი მედია ორგანიზაციაა.
______________
ია ფრანგიშვილის ფოტო
