“ოცნების ქალაქში” საგზაო ინფრასტრუქტურისა და გარე განათების მოწყობას ითხოვენ

”ოცნების ქალაქის” დასახლებაში მოსახლეობა საგზაო ინფრასტრუქტურისა და გარე განათების მოწყობას ითხოვს. აქ მცხოვრებლებმა დღეს, 25 ოქტომბერს, აქცია გამართეს და  ხელისუფლებას დახმარება სთხოვეს. “დასახლებაში არ არსებობს საგზაო ინფრასტრუქტურა, რაც შეუძლებელს ხდის ადგილზე მცხოვრები 800-მდე ბავშვის სკოლებსა თუ ბაღებში გადაადგილებას. ასევე, არ არსებობს დასახლებაში გარე განათება, რაც ღამის საათებში სასწრაფო დახმარების გამოძახების დროს დაგვიანების პრობლემას ქმნის,” – განაცხადეს აქციის მონაწილეებმა.

კიდევ ერთი პრობლემა, რასაც დღეს “ოცნების ქალაქის” მცხოვრებლები აპროტესტებენ, დასახლებაში გამართული ელექტროგაყვანილობის არ არსებობაა, რაც ხშირად ხანძრის გაჩენის მიზეზი ხდება.

აქციის მონაწილეები ამბობენ, რომ დასახლების ტერიტორიაზე არ არის განთავსებული სანაგვე ურნები, რაც ქმნის ანტისანიტარიას.

ნეტგაზეთის მასალების სხვა გამოცემებში გადაბეჭდვის წესი


ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან