მუნიციპალიტეტების ბიბლიოთეკებში ხუთი ათასზე მეტი წიგნი შეიტანეს

ხელვაჩაურის, ქობულეთის, ქედის, შუახევისა და ხულოს მუნიციპალიტეტების 15 საჯარო სკოლის ბიბლიოთეკაში 5 916 ცალი სხვადასხვა დასახელების მხატვრული ლიტერატურა შეიტანეს. წიგნების შეძენაზე 50 075 ლარი დაიხარჯა.

ინფორმაციას აჭარის განათლების სამინისტრო ავრცელებს. მათივე ინფორმაციით, სკოლის ბიბლიოთეკების წიგნებით მომარაგება „საჯარო სკოლების მატერიალური ბაზის გაუმჯობესების“ ქვეპროგრამის ფარგლებში განხორციელდა.

სამინისტროს ინფორმაციით, „შეძენილია ქართველი და მსოფლიო კლასიკოსების, საბავშვო, საყმაწვილო, შემეცნებითი ხასიათისა და სხვა სახის ლიტერატურა“.

ოფიციალური წყაროს ცნობით, 2013-2018 წლებში  წიგნადი ფონდით ასი საჯარო სკოლა განახლდა.

 

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com