განათლება,მთავარი,სიახლეები

მასწავლებელთა მეხუთე კონფერენცია ბათუმში

22.10.2018 • 3122
მასწავლებელთა მეხუთე კონფერენცია ბათუმში

აჭარის განათლების ფონდი აცხადებს აჭარის პედაგოგთა მეხუთე რეგიონული კონფერენციის მონაწილეთა რეგისტრაციას.

კონფერენციიის სახელწოდებაა „სწავლა/სწავლებისა და განათლების მართვის თანამედროვე მიდგომები“, რომელიც გაიმართება 2018 წლის 21-23 დეკემბერს.

კონფერენციის მიზანია, მასწავლებელთა საუკეთესო გამოცდილებისა და პრაქტიკის გაზიარება; სკოლაში ინკლუზიური განათლების პრინციპების დანერგვის პრაქტიკა და გამოცდილების გაზიარება;

სკოლებში ბუნებრივი კატასტროფების რისკის მართვის სწავლების გამოცდილების გაზიარება; განათლების მართვის სფეროში აქტუალური საკითხების, მართვის წარმატებული მაგალითების გაზიარება.

კონფერენციის ძირითადი მიმართულებებია:

სწავლების საუკეთესო გამოცდილებისა და პრაქტიკის გაზიარება (ეროვნული სასწავლო გეგმით განსაზღვრული საგნობრივი მიმართულებები);

ბუნებრივი კატასტროფების რისკის შემცირების  სწავლების გამოცდილება;

ინკლუზიური განათლების პრინციპების დანერგვა;

განათლების მართვის აქტუალური საკითხები.

ფონდის ინფორმაციით, კონფერენციაში მონაწილეობა შეუძლიათ მასწავლებლის საქმიანობის დაწყების, პროფესიული განვითარებისა და კარიერული წინსვლის სქემაში ჩართული საჯარო და კერძო ზოგადსაგანმანათლებლო დაწესებულებების მოქმედ მასწავლებლებს.

ასევე, საჯარო და კერძო ზოგადსაგანმანათლებლო დაწესებულებების სპეცმასწავლებლებს, სკოლების ადმინისტრაციისა  და საგანმანათლებლო რესურსცენტრების წარმომადგენლებს.

მომხსენებლებს კომისია შეარჩევს  გასაჯაროვებული კრიტერიუმების საფუძველზე.

მომხსენებელთათვის გაიცემა შესაბამისი სერტიფიკატი, რომლის საფუძველზეც სკოლის შეფასების ჯგუფი მასწავლებელს მიანიჭებს შესაბამის კრედიტქულას.

დეტალური ინფორმაციისთვის იხილეთ ბმული.

გადაბეჭდვის წესი


ასევე: