ინოვაციებისა და თანამედროვე ტექნოლოგიების ბანაკი ბათუმში

2-4 ნოემბერს ბათუმი ინოვაციებისა და თანამედროვე ტექნოლოგიების ბანაკს უმასპინძლებს.
ბანაკი განკუთვნილია 16-20 წლის ახალგაზრდებისთვის აჭარის რეგიონიდან.

სამდღიანი ბანაკი მოიცავს სესიებს, პრაქტიკულ დავალებებსა და გუნდურ სამუშაოებს მეწარმეობის, პროფესიული განვითარების, თანამედროვე ტექნოლოგიებისა და ინოვაციების შესახებ.  სასწავლო პროცესის მსვლელობისას მონაწილეები გაიცნობენ და პრაქტიკულ რჩევებს მიიღებენ ამ სფეროებში მოღვაწე პროფესიონალებისგან.

ბანაკში მონაწილეობისათვის საჭიროა წინასწარი შესარჩევი კონკურსის გავლა. კონკურსში მონაწილეობისთვის მსურველებმა უნდა შეავსონ სარეგისტრაციო ფორმა ამ ბმულზე. რეგისტრაციის ბოლო ვადაა 2018 წლის 23 ოქტომბერი.

ბათუმში ახალგაზრდული ბანაკი იმართება საქართველოს ინოვაციებისა და ტექნოლოგიების სააგენტოს და ინოვაციების ხელშეწყობის ფონდის ორგანიზებით, ბათუმის მთავრობის მხარდაჭერით.

ნეტგაზეთის მასალების სხვა გამოცემებში გადაბეჭდვის წესი


ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან