ოპტიკურ კოჰერენტული ტომოგრაფიული გამოკვლევის მნიშვნელობა თვალის დაავადებათა დიაგნოსტიკაში

ოპტიკურ კოჰერენტული ტომოგრაფიული (ოტკ) გამოკვლევა წარმოადგენს თვალის ქსოვილების გამოკვლევის ერთ-ერთ ყველაზე ინფორმატიულ, არაინვაზიურ, უკონტაქტო მეთოდს, რომლის საშუალებით შესაძლებელია გამოსაკვლევი ქსოვილების შრეობრივი შესწავლა in vino პირობებში.

ოტკ გამოიყენება მედიცინის სხვადასხვა დარგში – გასტროენტეროლოგია, კარდიოლოგია, უროლოგია, სტომატოლოგია, დერმატოლოგია, მაგრამ ყველაზე დიდი პოპულარობა გამოკვლევის ამ მეთოდმა ოფთალმოლოგიაში მოიპოვა.

ოტკ-ს როლი ოფთალმოლოგიური დაავადებების დიაგნოსტიკაში საკმაოდ მაღალია. იგი იძლევა საშუალებას დავადგინოთ და შევაფასოთ თვალის ისეთი მნიშვნელოვანი სტრუქტურების მდგომარეობა, როგორიცაა ბადურა გარსი, რქოვანა, მხედველობის ნერვი და ა.შ. კერძოდ, გამოკვლევის ამ მეთოდით შესაძლებელია: ბადურა გარსის და ნერვული ბოჭკოების შრის სისქის და მათში არსებული მორფოლოგიური ცვლილებების დადგენა; მხედველობის ნერვის დვრილის სხვადასხვა პარამეტრის შეფასება; თვალის წინა მონაკვეთის ანატომიური სტრუქტურის დეტალების შესწავლა.

მეთოდი უზრუნველყოფს ისეთი მნიშვნელოვანი დაავადებების ადრეულ და ზუსტ დიაგნოსტიკას, როგორიცაა: მაკულის ხვრელი, ეპირეტინული მემბრანა, ასაკობრივი მაკულოდისტროფია, სუბრეტინული ნეოვსკულირი მემბრანა, მაკულის შეშუპება, გლაუკომა, რეტინოშიზისი (ბადურის განშრევება), ცენტრალური სეროზული ქორიორეტინოპათია, მხედველობის ნერვის დვრილის დაზიანებები, თვალის წინა მონაკვეთის სხვადასხვა პათოლოგია.

კლინიკა საგიტარიუსი – მეზღვაურთა სამედიცინო ცენტრი აღჭურვილია უახლესი აპარატურით, მათ შორის  Soct Copernicus Revo Optopol Tecnology ოპტიკურ კოჰერენტული ტომოგრაფით, რაც საშუალებას იძლევა პაციენტს კომპლექსური მაღალტექნოლოგიური გამოკვლევები ჩაუტარდეს, დროულად გამოვლინდეს თვალის სხვადასხვა დაავადება, დაიგეგმოს შესაბამისი კონსერვატიული და ქირურგიული მკურნალობა.

ოტკ-ს მუშაობის პრინციპი ულტრაბგერული გამოკვლევის ანალიგიურია, მხოლოდ იმ განსხვავებით, რომ აკუსტიკური ტალღის ნაცვლად ამ შემთხვევაში სინათლის წყარო გამოიყენება (ინფრაწითელი დიაპაზონი 843ნმ). იგი წარმოადგენს ოპტიკური ბიოფსიის ნაირსახეობას, რომელიც არ საჭიროებს ქსოვილის ამოკვეთას მისი მიკროსკოპიული გამოკვლევის მიზნით.

პირველი თაობის ოტკ-ს მუშაობის პრინციპი დაფუძნებულია მიხელსონის ინტერფერომერტრიაზე (Time-domain OCT), რომელიც წამში 400A – სკანის გადაღების საშუალებას იძლევა, რის შედეგადაც საბოლოოდ მიიღება დაბალი ხარისხის გამოსახულება.

ოპტიკური კოჰერენტული ტომოგრაფიის ტექნოლოგიაში სპექტრული ინტერეფერომეტრიის (spectral/Fourier domain) დანერგვამ მნიშვნელოვანი ცვლილებები მოახდინა. მის უპირატესობას წარმოადგენს 3D ვიზუალიზაციის შესაძლებლობა, თვალისსაკადურ მოძრაობებზე ნაკლები მგრძნობელობა, მაღალი ხარისხის გამოსახულების მიღება.

ოტკ პირველად მასაჩუსეტსის ტექნოლოგიურ უნივერსიტეტში შეიმუშავეს XX საუკუნის 80-იანი წლების ბოლოს.

ნეტგაზეთის მასალების სხვა გამოცემებში გადაბეჭდვის წესი


ავტორი