როგორ უნდა გაძლიერდნენ ქალები საზღვაო ინდუსტრიაში

ქალთა როლის გაძლიერება საზღვაო ინდუსტრიაში – ეს არის ის თემა, რომელზეც სახალხო დამცველის აპარატი, გაეროს ქალთა ორგანიზაცია და საზღვაო ტრანსპორტის სააგენტო აქტიურ მუშაობას გეგმავენ.

საზღვაო ინდუსტრია ისტორიულად კაცების დომინირების სფეროდ აღიქმებოდა და ამ დარგში ქალები ნაკლებად იყვნენ წარმოდგენილები. ტრანსპორტის მუშაკთა საერთაშორისო ფედერაციის ინფორმაციით, მსოფლიოს მასშტაბით, ქალები საზღვაო ინდუსტრიაში სამუშაო ძალის მხოლოდ 2%-ს შეადგენენ. საქართველოს მეზღვაურთა ბაზაში მხოლოდ ერთი აქტიური მეზღვაური ქალი ირიცხება. ზოგიერთი ქალი შიშობს, რომ გემზე სამსახურის დაწყების შემთხვევაში, შეიძლება მას სექსუალურ შევიწროებასთან ან ძალადობასთანაც კი მოუწიოს შეხება.

2018 წლის 11 ოქტომბერს, ბათუმში, სექტორში მომუშავე კომპანიებისთვის, მათ შორის საკრუინგო კომპანიებისთვის, ორდღიანი ტრენინგი ჩატარდა.

2018 წლის 11 ოქტომბერს, ბათუმში, სექტორში მომუშავე კომპანიებისთვის, მათ შორის საკრუინგო კომპანიებისთვის, ორდღიანი ტრენინგი ჩატარდა.

ამავდროულად, გლობალური კვლევა ცხადყოფს, რომ გენდერულ თანასწორობას ბიზნესის ეფექტიანობისთვის მთელ სექტორში არსებითი მნიშვნელობა აქვს. „Gallup“-ის სამუშაო ადგილების კუმულაციური კვლევების მიხედვით, კომპანიები, რომლებშიც მრავალფეროვანი სამუშაო ძალაა დასაქმებული, 22%-ით უფრო პროდუქტიულები და 27%-ით უფრო რენტაბელურები არიან, ხოლო მათი მომხმარებლების კმაყოფილება 39%-ით მაღალია.

სწორედ საზღვაო ინდუსტრიაში ქალთა ინტერესისა და გენდერული მრავალფეროვნების ხელშეწყობაში საზღვაო ინდუსტრიის კომპანიებისა და სხვა ძირითადი დაინტერესებული მხარეებისთვის დახმარების მიზნით, გაეროს ქალთა ორგანიზაციას, საზღვაო ტრანსპორტის სააგენტოსა და WISTA Georgia – საქართველოში ქალთა სანაოსნო და სავაჭრო ასოციაციას შორის საზღვაო ინდუსტრიაში გენდერული მრავალფეროვნების ხელშეწყობის მიზნით ხელმოწერილი თანამშრომლობის მემორანდუმის ფარგლებში ორდღიანი ტრენინგი  ჩატარდა. სწავლება, რომელიც 2018 წლის 11 ოქტომბერს ბათუმში გაიმართა, სექტორში მომუშავე, მათ შორის საკრუინგო კომპანიების წარმომადგენლები ესწრებოდნენ.

2018 წლის 11 ოქტომბერს, ბათუმში, სექტორში მომუშავე კომპანიებისთვის, მათ შორის საკრუინგო კომპანიებისთვის, ორდღიანი ტრენინგი ჩატარდა.

2018 წლის 11 ოქტომბერს, ბათუმში, სექტორში მომუშავე კომპანიებისთვის, მათ შორის საკრუინგო კომპანიებისთვის, ორდღიანი ტრენინგი ჩატარდა.

ტრენინგი ორგანიზებული იყო სახალხო დამცველის აპარატთან ერთად, რომელიც საქართველოს კონსტიტუციით გათვალისწინებულ ინსტიტუტს წარმოადგენს და მის იურისდიქციაში ადამიანის უფლებებისა და თავისუფლებების დაცვის მეთვალყურეობა აკისრია.

საზღვაო ინდუსტრიაში თანამშრომლობა ხორციელდება გაეროს ქალთა ორგანიზაციის პროექტის ფარგლებში – „ერთობლივი ძალისხმევა ქალთა ეკონომიკური გაძლიერებისთვის საქართველოში“. პროექტს ნორვეგიის მთავრობა აფინანსებს. პროექტის მიზანია ქალთა ეკონომიკური გაძლიერების მხარდაჭერაში კერძო სექტორის მეტად ჩართვა და ამ გზით საქართველოში მდგრადი განვითარების მიზნების მიღწევის ხელშეწყობა.

 

ნეტგაზეთის მასალების სხვა გამოცემებში გადაბეჭდვის წესი


ავტორი