ბათუმი,მთავარი,რეკლამა,სიახლეები

ბათუმის საკრებულო: „ბათომს“ მოვუწოდებთ, პეტიცია საკრებულოს ელექტრონულ პლატფორმაზე ატვირთოს

11.10.2018 • 4305
ბათუმის საკრებულო: „ბათომს“ მოვუწოდებთ,  პეტიცია საკრებულოს ელექტრონულ პლატფორმაზე ატვირთოს

ბათუმის საკრებულო საზოგადოება „ბათომის“ წევრებს  მოუწოდებს, ონლაინპეტიციების ვებგვერდის – manifest.ge-ს ნაცვლად, პეტიცია ბათუმის საკრებულოს ვებგვერდზე განთავსებულ ოფიციალურ ელექტრონულ პლატფორმაზე ატვირთოს, რათა მას იურიდიული ძალა მიეცეს.

საზოგადოება „ბათომის“ წევრებს შევახსენებთ, რომ ბათუმის საკრებულომ თვითმმართველ ქალაქებს შორის ერთ-ერთმა პირველმა დანერგა პეტიციის ელექტრონული სახით წარდგენის წესი და ამ პლატფორმის ( https://petition.lsg.ge/batumi/ ) არსებობის შესახებ ინფორმაცია არა ერთხელ გაჟღერდა როგორც მედიასაშუალებებში, ასევე, საკრებულოს ოფიციალურ ვებგვერდზე.

ელექტრონული პეტიციის აპლიკაციის წარდგენის პრეზენტაცია ბათუმის საკრებულოში მიმდინარე წლის 20 ივლისს გაიმართა. პრეზენტაციაზე საკრებულოს თავმჯდომარემ სულიკო თებიძემ აღნიშნა, რომ ბათუმის საკრებულოში ელექტრონული პეტიციების ამოქმედების თაობაზე პეტიციადემოკრატიის ინსტიტუტისპროექტის ფარგლებში შევიდა: „განხილვის და გადაწყვეტილების მიღების შემდგომ მუნიციპალიტეტის საკრებულომ, სამოქალაქო კულტურის საერთაშორისო ცენტრის დახმარებით, საკუთარ ვებგვერდზე განათავსა შესაბამისი აპლიკაცია. აღნიშნული აპლიკაციის მეშვეობით ქალაქ ბათუმის ამომრჩევლებს უკვე შესაძლებლობა აქვთ სახლიდან გაუსვლელად დაარეგისტრირონ ელექტრონული პეტიცია საკრებულოში და გააკეთონ მასზე ხელმოწერა (იხ: https://www.batumicc.ge/index.php?l=1&menu=8&obj=898).

ხოლო ბათუმის საკრებულოში 27 ივლისს გამართულ მორიგ სხდომაზე მუნიციპალიტეტის საკრებულოს თავმჯდომარის ინიციატივით, პეტიციის წარმდგენი ამომრჩევლების რაოდენობა 0,5 პროცენტით განისაზღვრა, ნაცვლად მანამდე არსებული 1%-იანი რეგულაციისა (იხ: https://www.batumicc.ge/index.php?l=1&menu=8&obj=902).

ამჟამად ბათუმის საკრებულოში ელექტრონული პეტიციის პლატფორმიდან შემოსული ერთი პეტიციაა რეგისტრირებული.

გადაბეჭდვის წესი


ასევე: