საქართველოს სამთავრობო დელეგაციის ვიზიტი გერმანიის ფედერაციულ რესპუბლიკაში დასრულდა

აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე ოფიციალური ვიზიტით, საქართველოს სამთავრობო დელეგაციასთან ერთად, გერმანიის ფედერაციული რესპუბლიკის ქალაქ ფრანკფურტში იმყოფებოდა.

ვიზიტის ფარგლებში,  საქართველოს პრემიერმინისტრი მამუკა ბახტაძე  გერმანიის ჰესენის ფედერალური მიწის პრემიერმინისტრ ფოლკერ ბუფიეს შეხვდა. მხარეებმა ხაზი გაუსვეს ფრანკფურტის წიგნის ბაზრობაში საქართველოს საპატიო სტუმრის სტატუსით მონაწილეობის დიდ მნიშვნელობას, რაც გამოფენის სტუმრებს ქვეყნის ლიტერატურისა და კულტურის ახლოს გაცნობის საშუალებას აძლევს.

შეხვედრას საქართველოს საგარეო საქმეთა მინისტრი დავით ზალკალიანი, ეკონომიკისა და მდგრადი განვითარების მინისტრი გიორგი ქობულია, თბილისის მერი კახა კალაძე და აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე დაესწრნენ. ვიზიტის ფარგლებში არაერთი მნიშვნელოვან ღონისძიება გაიმართა.

გერმანია-საქართველოს ბიზნესისა და თანამშრომლობის ფორუმი

ვიზიტის ფარგლებში  აჭარის ..მთავრობის თავმჯდომარე თორნიკე რიჟვაძე გერმანიასაქართველოს ბიზნესისა და თანამშრომლობის ფორუმს დაესწრო.

ფორუმზე ხაზი გაესვა გერმანიის ფედერაციულ რესპუბლიკასთან თანამშრომლობის მნიშვნელობას და აღინიშნა, რომ გერმანია საქართველოს ერთერთი უმსხვილესი სავაჭრო პარტნიორი და ინვესტორი ქვეყანაა, ორმხრივი ეკონომიკური თანამშრომლობის განვითარებას კი მნიშვნელოვნად უწყობს ხელს ევროკავშირთან გაფორმებული თავისუფალი ვაჭრობის შეთანხმება (DCFTA).

თორნიკე რიჟვაძემ საქართველოს ეკონომიკისა და მდგარი განვითარების მინისტრთან გიორგი ქობულიასთან ერთად, გერმანიის ეკონომიკური თანამშრომლობისა და განვითარების სამინისტროს საპარლამენტო მდივანთანნორბერტ ბარტლესთან გამართულ შეხვედრაში მიიღო მონაწილეობა. შეხვედრაზე ორმხრივი სავაჭროეკონომიკური ურთიერთობები განიხილეს და იმ ერთობლივი პროექტების შესახებ ისაუბრეს, რომლებიც საქართველოში გერმანიის მხარის მხარდაჭერით ხორციელდება.

საქართველოს თემატური სტენდების გახსნა ფრანკფურტში

ეს მნიშვნელოვანი გამოფენაა და ძალიან გამიხარდა, რომ აქ თემატური სტენდი ბათუმიდანაც არის წარმოდგენილი. ორი დღის განმავლობაში, საქართველოს მთავრობის დელეგაციის წევრები, პრემიერის ხელმძღვანელობით, ძალიან აქტიურად ვიყავით ჩართულები სხვადასხვა ღონისძიებაში. მნიშვნელოვანია, რომ წიგნის ფესტივალი არის საუკეთესო საშუალება ჩვენი ქვეყნის, ამ შემთხვევაშიჩვენი ქალაქის პოპულარიზაციისთვის. ვფიქრობ, მსგავს ღონისძიებებზე ჩვენი ქვეყანა კიდევ უფრო მეტად უნდა იყოს წარმოდგენილი მომავალში ქართული სახეებითა და ქართული გამომცემლობებით“ – აღნიშნა აჭარის მთავრობის თავმჯდომარემ თორნიკე რიჟვაძემ ფრანკფურტის წიგნის ფესტივალზე ქართული პავილიონის დათვალიერებისას, სადაც სხვა თემატურ სტენდებთან ერთად, გამომცემლობაწიგნები ბათუმშიიყო წარმოდგენილი.

ფრანკფურტის წიგნის ბაზრობის საპატიო სტუმარი ქვეყნისსაქართველოს თემატური სტენდები საქართველოს პრემიერმინისტრმა ფრანკფურტის წიგნის ბაზრობის დირექტორ იურგენ ბოსსა და საქართველოს დელეგაციის წევრებთან ერთად დაათვალიერა. სტენდების პავილიონში წარმოდგენილია წიგნის ცენტრის და ქართველი გამომცემლების, მეცნიერების, ინოვაციების სააგენტოს, სახელოვნებო, ტურიზმისა და სოფლის მეურნეობის სტენდები.

საქართველოს თემატური სტენდები ფრანკფურტის წიგნის ბაზრობის სტუმრებს არაერთ ენაზე ნათარგმნ ლიტერატურას სთავაზობს, რომლის გაცნობის შესაძლებლობა დამთვალიერებელს კვირის ბოლომდე ექნება.

თორნიკე რიჟვაძე KFW-ს ხელმძღვანელ პირებს შეხვდა

აჭარის ა.რ.მთავრობის თავმჯდომარე თორნიკე რიჟვაძემ გერმანიის ფედერაციულ რესპუბლიკაში ოფიციალური ვიზიტის ფარგლებში, სამუშაო შეხვედრები გამართა გერმანიის რეკონსტრუქციისა და განვითარების ბანკის (KFW) სამხრეთ ევროპის, კავკასიისა და ცენტრალური აზიის დირექტორ ოლაფ ციმელკასთან, ასევე რეგიონული განვითარების სამსახურის უფროსთან – მარიონ კრეშთან და სხვა ხელმძღვანელ პირებთან.

გერმანიის რეკონსტრუქციისა და განვითარების ბანკი აჭარის ავტონომიური რესპუბლიკის სხვადასხვა უწყებებთან მრავალი წლის განმავლობაში თანამშრომლობს, რისთვისაც თორნიკე რიჟვაძემ მათ მადლობა გადაუხადა.

სამუშაო შეხვედრებზე მხარეებმა განიხილეს როგორც რეგიონში მიმდინარე ინფრასტრუქტურული პროექტები, ისე სამომავლო გეგმები. მიმდინარე წლის აგვისტოს თვეში, ანგელა მერკელის საქართველოში ვიზიტის დროს, KfW-მ საქართველოს მთავრობასთან ხელი მოეწერა 40 მილიონი ევროს ოდენობის კრედიტის ხელშეკრულებას (სუბსიდია 3 მილიონი ევროს ოდენობით), რომლითაც უნდა გაუმჯობესდეს წყალმომარაგებისა და კანალიზაციის სისტემა აჭარის ავტონომიურ რესპუბლიკაში.

თორნიკე რიჟვაძემ ხაზი გაუსვა პროექტის მნიშვნელობას მაღალმთიანი აჭარის განვითარების საქმეში. აღინიშნა, რომ ორმხრივი თანამშრომლობა მომავალში კიდევ უფრო ინტენსიური გახდება.

ნეტგაზეთის მასალების სხვა გამოცემებში გადაბეჭდვის წესი


ავტორი