არა ჩაბეტონებას – „ბათომი“ პეტიციით საკრებულოსა და კულტურის სამინისტროს მიმართავს

პეტიციით – „არა ჩაბეტონებას“ ორგანიზაცია „ბათომი“ ბათუმის საკრებულოსა და საქართველოს განათლების, მეცნიერების, კულტურისა და სპორტის სამინისტროს მიმართავს. პეტიციის მოთხოვნები ოთხი პუნქტისგან შედგება:

  • ბათუმის საკრებულომ უახლოეს კვირაში მოიწვიოს რიგგარეშე სხდომა, სადაც განიხილავს და შეითანხმებს კულტურული მემკვიდრეობის დაცვის ზონას კვლევის შედეგად დადგენილ საზღვრებში

იგულისხმება კომპანია „გეოგრაფიკის მიერ“ ჩატარებული კვლევა, რომლის მიხედვითაც მერიამ ისტორიული ბათუმის დაცვის ზონის საზღვრები დაადგინა.

  • ბათუმის ისტორიული ზონის დამტკიცებამდე შეჩერდეს დემონტაჟისა და სამშენებლო ნებართვების გაცემა კვლევის შედეგად დადგენილ საზღვრებში
  • დაუბრუნდეს მწვანე კონცხის ნაკვეთს სარეკრეაციო ზონის სტატუსი
  • ზემოთ აღნიშნულ ტერიტორიებზე განსახორციელებელი პროექტები შეათანხმოს საჯარო განხილვისა და დისკუსიის შედეგად, საკითხზე მომუშავე ორგანიზაციებსა და დაინტერესებულ მოქალაქეებს

აქ „ბათომი“ გულისხმობს იმ ნაკვეთს, რომელსაც ბათუმის საკრებულომ ორი კვირის წინ სარეკრეაციო ზონის სტატუსი საზოგადოებრივ-საქმიანი ზონის სტატუსით შეუცვალა. ამ ნაკვეთზე კომპანია „ელიტ კონსთრაქშენ გრუპი“ 27-სართულიან მშენებლობას გეგმავს.

პეტიცია ელექტრონულადაა გამოქვეყნებული და მასზე ხელმოწერა ყველა მსურველს შეუძლია. პეტიციის წარსადგენად საჭიროა 2207 ხელმოწერა.

იმავე თემაზე:

მწვანე კონცხზე კომპანია 27-სართულიანი შენობის აშენებას გეგმავს

 

ფოტო: მანანა ქველიაშვილი

 

 

ნეტგაზეთის მასალების სხვა გამოცემებში გადაბეჭდვის წესი


ავტორი