ანა ხარაიშვილი – მედდა კლინიკა „ნიუ პლაზმადან“

ჯერ კიდევ ბავშვობაში ვოცნებობდი სამედიცინო სფეროში მემუშავა. 7 წლის წინ კი საბოლოოდ გადავწყვიტე ვყოფილიყავი მედდა. მაშინ პროფილი არჩეული არ მქონდა, თუმცა მალევე ვიპოვე ჩემი თავი ონკოლოგიაში. მივხვდი, ეს იყო სფერო, სადაც შესაძლებლობა მექნებოდა სითბო, ყურადღება, მზრუნველობა გამომეხატა ადამიანების მიმართ და გასაკეთებელი საქმე გულწრფელად, პასუხისმგებლობით და პროფესიონალურად შემესრულებინა. ადამიანებისთვის შემემსუბუქებინა მდგომარეობა, მათ სიცოცხლისთვის ბრძოლაში დავხმარებოდი.

„პაქსმენის“ აპარატი, რომლის საშუალებითაც ქიმიოთერაპიის დროს შესაძლებელია თმის ცვენის კონტროლი„პაქსმენის“ აპარატი, რომლის საშუალებითაც ქიმიოთერაპიის დროს შესაძლებელია თმის ცვენის კონტროლი

„პაქსმენის“ აპარატი, რომლის საშუალებითაც ქიმიოთერაპიის დროს შესაძლებელია თმის ცვენის კონტროლი

სწავლისა და პრაქტიკული გამოცდილების მიღების შემდეგ, კლინიკა „ნიუ პლაზმაში“ დავიწყე მუშაობა. ჩემთვის მნიშვნელოვანი იყო სამუშაო გარემოში მყოლოდა ადამიანები, რომლებიც ჩემს მოსაზრებებს იზიარებენ. აქ შევხვდი ადამიანებს, რომლებმაც კარგად იციან რამდენად მნიშვნელოვანია პაციენტის ფსიქოლოგიური თუ ფიზიკური მდგომარეობისთვის თითოეული წამი.

კლინიკაში ერთ წელზე მეტია ვმუშაობ. ჩემი საქმე უდიდეს პასუხისმგებლობასა და ყურადღებას მოითხოვს. პაციენტთან ურთიერთობა, ემპათიური დამოკიდებულება ჩემთვის უპირველესად მნიშვნელოვანი ასპექტია მკურნალობაში. ვგრძნობ რამდენად სჭირდებათ მათ საუბარი, თანაგრძნობა და გვერდში დგომა. ჩემი საქმე მარტო სხეულის განკურნება არაა. ეს განკურნებაა გონების და სულის, ფიქრებისა და უარყოფითი ენერგიისგან.

კლინიკის თითოეული თანამშრომლის მიზანია პაციენტი თავს ისევე გრძნობდეს, როგორც საკუთარ სახლში.

კლინიკის თითოეული თანამშრომლის მიზანია პაციენტი თავს ისევე გრძნობდეს, როგორც საკუთარ სახლში.

„ყველაზე მნიშვნელოვანი სიახლე „ნიუ პლაზმაში“ ისაა, რომ ჩვენთან უკვე არის „პაქსმენის“ აპარატი, რომლის საშუალებითაც ქიმიოთერაპიის დროს შესაძლებელია თმის ცვენის კონტროლი. ჩვენ პირველები ვართ საქართველოში, ვისაც შეუძლია უთხრას პაციენტს, რომ ჩაუტარდება ქიმიოთერაპიის კურსი და თმა არ გასცვივდება“.

ხშირია შემთხვევები, ჩვენი დამოკიდებულების გამო, პაციენტები თავს ისევე გრძნობენ, როგორც საკუთარ სახლში. ჩვენი კლინიკის თითოეული თანამშრომლის მიზანიც ესაა, ადამიანებს სრული კომფორტი და მაღალი ხარისხის მომსახურება შევთავაზოთ.

ვფიქრობ, ჩვენ სწორედ იქ ვართ, სადაც ჩვენი ადგილია, სიცოცხლის სადარაჯოზე. ჩვენი პროფესია არის ადამიანობის უმაღლესი გამოვლინება, როდესაც შეგიძლია გაიზიარო სხვა ადამიანების გრძნობები, ემოციები.

კლინიკა „ნიუ პლაზმას“ გუნდი

კლინიკა „ნიუ პლაზმას“ გუნდი

ნეტგაზეთის მასალების სხვა გამოცემებში გადაბეჭდვის წესი


ავტორი