სიახლეები

სოფლის ტურიზმის ფესტივალი ევროპის მოედანზე ბათუმში (ფოტო ამბავი)

06.10.2018 • 3388
სოფლის ტურიზმის ფესტივალი ევროპის მოედანზე ბათუმში (ფოტო ამბავი)

ამ წუთებში ბათუმში, ევროპოს მოედანზე, სოფლის ტურიზმის ფესტივალი მიმდინარეობს. ფესტივალზე შეგიძლიათ ადგილზე დააგემოვნოთ და შეიძინოთ ფერმერების მიერ წარმოდგენილი პროდუქტი.

უცხოელი ტურისტები სოფლის ტურიზმის ფესტივალზე ბათუმში.
ფოტო: ლელა დუმბაძის

სოფლის ტურიზმის ფესტივალი ევროპის მოედანზე

ფესტივალზე წარმოდეგნილია ეთნოგრაფიული ნიმუშები, – დაწნული კალათები, საქსოვი დაზგები, სოფლის ნალიის მინიატურა და ა.შ

სოფლის ტურიზმის ფესტივალზე ტურისტები ევროპის სხვადასხვა ქვეყნიდან იმყოფებიან

სასოფლო-სამეურნე პროდუქციის გამოფენა-გაყიდვის პარალელურად, ევროპის მოედანზე მიმდინარეობს სხვადასხვა ფოკლორული ანსამბლის კონცერტი.

აქ შეგიძლიათ დააგემოვნოთ თათარა და თქვენი ხელით ამოავლოთ ჩურჩხელა.

ბროწეულები სოფლის ტურიზმის ფესტივალზე.
ფოტო: ლელა დუმბაძის

ფესტივალზე დღის განმავლობაში დაგეგმილია გასართობი აქტივობები ბავშვებისთვის. მათთვის სპეციალურად მოწყობილ თივის ლაბირინთებში სხვადასხვა გასართობი აქტივობები იმართება. დღის ბოლოს ევროპის მოედანზე დაუკრავენ ბენდები: „ასეა სულ“ და „ლურჯი იალქანი“.

ფესტივალის მონაწილეებს საშუალება ექნებათ ჩაერთონ მხიარულ შეჯიბრებებსა და მასტერკლასებში: „განდაგანას“ ცეკვისა და კულინარიული მასტერკლასი, ჩურჩხელის ამოვლება, ჭაჭის გამოხდა, ბოულინგი გოგრებით, შეშის დაჩეხვა, სინორისა და ბორანოს მომზადება.

ფესტივალზე წარმოდგენილია ციტრუსი აჭარის სხვადასხვა სოფლიდან

სოფლის ტურიზმის ფესტივალი გაგრძელდება ხვალ, 7 ოქტომბერსაც. დღის ბოლოს დაგეგმილია კონცერტი, ზვიად ბოლქვაძის, სოფო ბათილაშვილისა და ბენდ „ნიუტონის“  მონაწილეობით.

სოფლის ტურიზმის ფესტივალი

სოფლის ტურიზმის ფესტივალი „განდაგანა “აჭარაში 2015 წლიდან იმართება და მისი  მიზანი მთიანი აჭარის პოპულარიზაციაა.

ტურისტები აგემოვნებენ ქართულ ჩაის

გადაბეჭდვის წესი


ასევე: