განათლება,მთავარი,სიახლეები

განათლების საკითხებზე გამოცხადებულ საგრანტო კონკურსში ოთხმა ორგანიზაციამ გაიმარჯვა

03.10.2018 • 1939
განათლების საკითხებზე გამოცხადებულ საგრანტო კონკურსში ოთხმა ორგანიზაციამ გაიმარჯვა

კოალიცია „განათლება ყველასათვის – საქართველომ“, ორგანიზაციული განვითარების მხარდაჭერაზე მიმართულ საგრანტო კონკურსში გამარჯვებულ ორგანიზაციებთან ხელშეკრულებები გააფორმა.

შერჩეულ საგრანტო პროექტებს განახორციელებენ ორგანიზაციები: „პროფესიონალ ქიმიკოსთა ასოციაცია“, „მშობლები განათლებისთვის“, „საქართველოს სკოლის ადმინისტრატორთა ასოციაცია“ და „სამოქალაქო განათლების პედაგოგთა ფორუმი“.

კონკურსი განათლების საკითხებზე მომუშავე ასოციაციებისათვის მიმდინარე წლის მაისში გამოცხადდა და მასში მონაწილეობა შეეძლო ყველა საგნობრივ ასოციაციას, რომელიც იურიდიულად რეგისტრირებულია და ფუნქციონირებს მინიმუმ ერთი წელი.

„განათლება ყველასთვის-საქართველოს“ ინფორმაციით, კონკურსის მიზანია მხარი დაუჭიროს ასოციაციებს თავიანთი საქმიანობის ეფექტიანად განხორციელებაში, „რაც ემსახურება ისეთი საკითხების გადაჭრას, როგორიცაა: ახალი წევრების მოზიდვა, საწევრო გადასახადების სისტემის ამოქმედება და წევრებისათვის ინოვაციური სერვისების მიწოდების შემუშავება“.

 

გადაბეჭდვის წესი


ასევე: