„შემოდგომა ქედაში -2018“ სიახლეებით გამოირჩეოდა

„შემოდგომა ქედაში – 2018“ სასიამოვნო სიახლით გაიხსნა. მახუნცეთში, თამარ მეფის ხიდთან, ქედის მუნიციპალიტეტსა და უკრაინის ქალაქ კრემენცს შორის დამეგობრების შესახებ მემორანდუმს ხელი ქედის მერმა ლევან გორგილაძემ და კრემენეცის მერმა ალექსეი კოვალჩუკმა მოაწერეს. მხარეები კულტურის, სპორტისა და ტურიზმის სფეროებში ითანამშრომლებენ.

ცერემონია ქედის კულტურის ცენტრთან არსებული ანსამბლ „ელესას“ მიერ შესრულებული „მრავალჟამიერით“ და უკრაინულ და ქართულ ენაზე აჟღერებული „სულიკოთი“ გაიმართა.

ქედის მუნიციპალიტეტსა და ქალაქ კრემენცს შორის დამეგობრების შესახებ მემორანდუმს ხელი ქედის მერმა ლევან გორგილაძემ და კრემენეცის მერმა ალექსეი კოვალჩუკმა მოაწერეს.

ქედის მუნიციპალიტეტსა და ქალაქ კრემენცს შორის დამეგობრების შესახებ მემორანდუმს ხელი ქედის მერმა ლევან გორგილაძემ და კრემენეცის მერმა ალექსეი კოვალჩუკმა მოაწერეს.

დასასრულს, უხუცესთა ანსამბლმა „ფესვებმა“ „ხორუმი“ წარმოადგინა.

„ევროპული წლის“ ფარგლებში, ქედის მუნიციპალიტეტში წამყვანი დარგების ფერმერებმა, მეღვინეებმა, მეთაფლეებმა, მეთამბაქოეებმა, ქედის ღვინის საწარმომ – „კახურმა ტრადიციულმა მეღვინეობამ – KTW“-მა, ხილის საწარმომ „ნენამ“ და სიგარების საწარმომ „იმერმა“ პროდუქცია ქედის ხიდზე გამოფინეს. პუბლიკაციები გამოფინეს არასამთავრობო ორგანიზაციებმა: „სენმა“, „დემოკრატიის ინსტიტუტმა“, ნატოს საინფორმაციო ცენტრმა და ქედის განვითარების ჯგუფმა #ქედალიდერმა. გამოფენაზე მისულ ვიზიტორს შესაძლებლობა ჰქონდა, ასევე, სულხან სალაძის წიგნი, „უცნობი ძველი აჭარა“ შეეძინა.

ქედის მუნიციპალიტეტსა და ქალაქ კრემენცს შორის დამეგობრების შესახებ მემორანდუმს ხელი ქედის მერმა ლევან გორგილაძემ და კრემენეცის მერმა ალექსეი კოვალჩუკმა მოაწერეს.

„შემოდგომა ქედაში 2018“

ღონისძიების ფარგლებში, დილიდან მახუნცეთსა და დაბა ქედის ქუჩებში, #ქედალიდერის მოხალისეები ქედის განვითარების ჯგუფის მიერ დაბეჭდილ პროგრამებს ავრცელებდნენ, ხოლო ქედის ღვინის საწარმოს „კახური ტრადიციული მეღვინეობის“ ფინანსური მხარდაჭერით, მოეწყო ღია ტიპის ავტომობილით მსვლელობა. ახალგაზრდების მიერ ქედის მერიაში შემოტანილი პროგრამის  – „სთრით-არტის“ პრეზენტაცია დაბაში გაიმართა, სადაც მოხალისეებმა მოხატული ცენტრალური კიბის კედელი და მოხატული გადასასვლელი ვიზიტორებისთვის ფოტოსესიის ადგილად აქციეს.

სახალხო დღესასწაულს სპორტული აქტივობები 1975 წლიდან შეუერთდა, მას შემდეგ ღონისძიების ერთ-ერთი უმნიშვნელოვანესი კომპონენტია.

სახალხო დღესასწაულს სპორტული აქტივობები 1975 წლიდან დაემატა, მას შემდეგ ღონისძიების ერთ-ერთი უმნიშვნელოვანესი კომპონენტია.

სახალხო დღესასწაულს სპორტული აქტივობები 1975 წლიდან დაემატა, მას შემდეგ ის ღონისძიების ერთ-ერთი უმნიშვნელოვანესი კომპონენტია. ტრადიციისამებრ, ქართულ ჭიდაობაში გამოვლენილი ფალავანი დიეგო მახარაძე, ქედის საკრებულოს თავმჯდომარემ, შუქრი თურმანიძემ, ცხვრით დააჯილდოვა.

ეთნოგრაფიული და ფოლკლორული ნიმუშების, რეწვის მასალების, ტრადიციული კულინარიის, სოფლის მეურნეობის ნობათების გამოფენები, დეკორატიული კუთხეები, აჭარული კერძების მომზადების იმიტაციები, ინსცენირება ფილმიდან ,,მევლუდი“, ზაზა ხალვაშის ფილმის „ნამეს“ ექსკურსი, ბავშვთა გასართობი კუთხე და პეტიციის საფუძველზე ცენტრალური პარკისთვის ფრიდონ ხალვაშის სახელის მინიჭება – ეს მოკლე ჩამონათვალია იმ ღონისძიებებისა, რომლებიც ტრადიციული ღონისძიების ფარგლებში ცენტრალურ პარკში გაიმართა, რომელსაც მალე ფრიდონ ხალვაშის სახელი მიენიჭება.

ტრადიციულ ღონისძიებაზე საპატიო ქედელის დასახელებას გასული საუკუნის 30-იანი წლებიდან ჩაეყარა საფუძველი. სხვადასხვა ნომინაციაში წელს სულ 8 მოქალაქე დაჯილდოვდა: 3 „ღვაწლმოსილი ქედელის“ წოდებით, ერთი – „საპატიო ქედელის“, ხოლო ერთს გადაეცა „საპატიო ქედის მოქალაქის“ წოდება. წელს ნომინაციებს შეემატა „კოლორიტის“ წოდება და 2 მოქალაქე დაჯილდოვდა, ხოლო ერთს გადაეცა მადლობის სიგელი გაწეული ღვაწლისთვის.

ღონისძიება სოფელ ვაიოში, მალხაზ გორგილაძის ვენახში, ყურძნის დაკრეფისა და ღვინის დაწურვის ცერემონიით დასრულდა. 2011 წლიდან ოჯახი რეგიონში ცნობილი ერთ-ერთი საოჯახო ტიპის ღვინის მარნის – „მახოს მარანი“ – მეპატრონეა, რომელსაც მსოფლიოს სხვადასხვა ქვეყნიდან – უკრაინიდან, აშშ-დან, ბელორუსიიდან, მოლდავეთიდან, რუსეთიდან, რუმინეთიდან, ტაჯიკეთიდან, ისრაელიდან და ა.შ, ტურისტების ნაკადი ყოველწლიურად ჰყავს სტუმრად.

საღამო დასრულდა გრანდიოზული ფეიერვერკით.

ნეტგაზეთის მასალების სხვა გამოცემებში გადაბეჭდვის წესი


ავტორი