ოქტომბერში ბათუმის ბულვარში 250 ათას ერთწლოვან ყვავილს დარგავენ

ბათუმის ბულვარის ინფორმაციით, ზღვისპირა პარკში ოქტომბრის ბოლომდე 250 ათასი ძირი სეზონურად მოყვავილე ერთწლოვანი ყვავილების – პრიმულას, ვიოლასა და მიხაკის ჯიშის ჩითილები ძველ ბულვარში ეტაპობრივად დაირგვება.

მანამდე კი, როგორც ბულვარის ადმინისტრაციაში ამბობენ, ძველ ბულვარში სხვადასხვა მონაკვეთზე არსებულ საყვავილე კლუმბებს მოსამზადებელი სამუშაოები ჩაუტარდა.

„მოხდა სეზონურად მოყვავილე ერთწლოვანი ყვავილების ამოღება, ნიადაგის დამუშავება, გაფხვიერება და სარეველებისაგან გათავისუფლება.

წლის ბოლომდე კი, მცენარეთა კოლექციას 2 ათას 500 ძირამდე სხვადასხვა ჯიშის მრავალწლოვანი ხე-მცენარეც შეემატება“.

 

ნეტგაზეთის მასალების სხვა გამოცემებში გადაბეჭდვის წესი


ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com