საგანგებო სიტუაციების მართვის სამსახურის ინფორმაციით, 2019 წლის ბიუჯეტის პროექტით, სამაშველო სამსახურის დაფინანსების გაზრდაა გათვალისწინებული. ბიუჯეტის პროექტის მიხედვით, თუკი პარლამენტი ამ ცვლილებას დაამტკიცებს, მომავალი წლიდან მეხანძრე-მაშველების ხელფასები გაიზრდება.
ბიუჯეტის პროექტში, რომელიც პარლამენტში უკვე შევიდა, საგანგებო სიტუაციების მართვის სამსახურისთვის 87.6 მილიონი ლარია გათვალისწინებული, აქედან 5,5 მილიონი ლარი კი – მეხანძრე-მაშველების ხელფასების ზრდისთვის.
საგანგებო სიტუაციების მართვის სამსახურის პრესსამსახურის ინფორმაციით, ამ დროისთის მეხანძრე-მაშველების საშუალო ხელფასი 700 ლარია, პროექტის მიღების შემთხვევაში კი „საშუალო ხელფასი, სავარაუდოდ, ასი ლარით გაიზრდება“. პრესსამსახურის ინფორმაციით, ხელფასებთან დაკავშირებით დეტალები კიდევ დაზუსტდება.