გურიაში, შეკვეთილში, მაგისტრალზე ცხენს მიკროავტობუსი დაეჯახა, მიკროავტობუსს – „მეტროს“ ავტობუსი. ცხენი ავარიის შედეგად ადგილზევე მოკვდა, მიკროავტობუსი კი, გზის სავალი ნაწილიდან გადავიდა.
თვითმხილველის თქმით, ავტოსაგზაო შემთხვევის შედეგად არავინ დაშავებულა.
შინაგან საქმეთა სამინისტროს ინფორმაციით, ავტოსაგზაო შემთხვევაზე პოლიციელებმა ადმინისტრაციული სამართალდარღვევის ოქმი შეადგინეს. სამართალდამრღვევი მძღოლი ადმინისტრაციულ სამართალდარღვევათა კოდექსის 125 მუხლის მე-10 ნაწილის მიხედვით დაჯარიმდება. ეს მუხლი 250 ლარით დაჯარიმებას ითვალისწინებს. ამ დროისთვის უცნობია, რომელმა მძღოლმა დაარღვია მოძრაობის წესები.
ავტოსაგზაო შემთხვევა შეკვეთილში, მარიამ ქველიაშვილის ფოტო
