მთავარი,სიახლეები

„ოცნების ქალაქს“ შუქი არ მიეწოდება

27.09.2018 • 1906
„ოცნების ქალაქს“ შუქი არ მიეწოდება

ბათუმში, ე.წ. ოცნების ქალაქის დასახლებაში მოსახლეობის ნაწილს ელექტროენერგია 26 სექტემბრის საღამოს 11:30 საათის შემდეგ არ მიეწოდება. ადგილზე მცხოვრებთა თქმით, ცეცხლი წუხელ ტრანსფორმატორს გაუჩნდა.

„ენერგო-პრო ჯორჯიას“ პრესსამსახურში „ბათუმელებს“ უთხრეს, რომ ელექტროენერგიის გარეშე ამ დროისთვის მხოლოდ ათი აბონენტია დარჩენილი. „ოცნების ქალაქში“ კი ამბობენ, რომ შუქი მთლიან დასახლებას არ მიეწოდება.

„ოცნების ქალაქთან“ „ენერგო-პროს“ ოფიციალურად რამდენიმე აბონენტი ჰყავს დარეგისტრირებული, დასახლებაში მცხოვრებლებს კი იმ ტრანსფორმატოროდან გვაქვს შუქი გადაყვანილი, სადაც ცეცხლი გაჩნდა,“ – გვითხრეს „ოცნების ქალაქში“.

„ავარიული დაზიანება იყო სატრანსფორმატორო პუნქტში. მზადაა შესაბამისი მასალები და დენის მიწოდება მაქსიმუმ, დღის 4 საათამდე აღდგება“, – აღნიშნეს „ენერგო-პრო ჯორჯიაში“.

დაზიანება „ოცნების ქალაქთან“ მდებარე სატრანსფორმატორო პუნქტში / 27.09.2018 / ფოტოები: როინ გუნდაძე

 

გადაბეჭდვის წესი


ასევე: