ქრონიკულად გაჩერებული საათი ევროპის მოედანზე და მერიის დიაგნოზი

ბათუმში, ევროპის მოედანზე მდებარე საათი კვლავ გაჩერებულია. ბათუმის მერიის დიაგნოზი ასეთია: „საათს სჭირდება მოწყობილობა, რომელიც მას ელექტროენერგიას სტაბილურად მიაწვდის. ახლა დენის ძაბვის მცირე ცვალებადობისას დრო ირევა – შეიძლება ერთ დღეში გაჩერდეს, შეიძლება ერთ კვირას იმუშაოს და შემდეგ კვლავ ხელით დარჩეს დრო გასასწორებელი“.

მერიის კეთილმოწყობის სამსახურში აცხადებენ, რომ სპეციალისტი არკვევს, თუ რომელი მოწყობილობა მიესადაგება ამ საათს, რათა მას დენი უწყვეტად მიეწოდოს და საათი არ გაჩერდეს. „ამ მოწყობილობის დადგენის შემდეგ დავიწყებთ შესყიდვის პროცედურას,“ – გვითხრეს მერიის სამსახურში.

ევროპის მოედანზე თავის დროზე ქალაქის ბიუჯეტიდან 20 000 დოლარად (ექვივალენტი ლარებში) შესყიდული საათი უკვე ექვსი წელია გამართულად არ მუშაობს. ის უმეტესად გაჩერებულია. ქალაქში ასეთი საათების არსებობას კი ბათუმის მერიაში ასე ხსნიდნენ: „მნიშვნელოვანია ტურისტული თვალსაზრისით“.

ამ თემაზე:

ბათუმში ახლა პირველი საათია

 

ქალაქი ძვირადღირებული, ასტრონომიული და გაჩერებული საათებით

დღესაც გაჩერებულია და არ მუშაობს საათი ჭაჭის კოშკზე.

რატომ ვერ აამუშავა მერიამ საათი ჭაჭის თაუერზე

 

 

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com