29 სექტემბერს ხელვაჩაურში ახალგაზრდული ველომარათონი გაიმართება

29 სექტემბერს, 13 საათზე, გულის მსოფლიო დღესთან დაკავშირებით, ხელვაჩაურში ველომარათონი გაიმართება.

ველომარათონში მონაწილეობა შეუძლიათ 15-დან 22 წლამდე ასაკის ხელვაჩაურის მუნიციპალიტეტში მცხოვრებ ახალგაზრდებს. მონაწილეებმა სულ 3 კმ და 400 მეტრი უნდა გაიარონ. ველომარათონი სტარტს ფრიდონ ხალვაშის გამზირზე [აკაკი შანიძის კვეთა, სოფელ შარაბიძეების ყოფილი შესასვლელი] აიღებს და ხელვაჩაურის მუნიციპალიტეტის ადმინისტრაციული შენობის მიმდებარე ტერიტორიაზე დასრულდება.

ღონისძიება ტარდება ხელვაჩაურის მუნიციპალიტეტის მერიის განათლებისა და კულტურის სამსახურისა და და სასპორტო სკოლის ორგანიზებით. ხელვაჩაურის მერიის ცნობით, საპრიზო ადგილზე გასული მონაწილეები დასაჩუქრდებიან ტექნიკის მაღაზიის ვაუჩერებით:

I ადგილი:  200-ლარიანი ვაუჩერი;
II ადგილი:  100-ლარიანი ვაუჩერი;
III ადგილი: 50-ლარიანი ვაუჩერი.

ველომარათონში მონაწილეობის მსურველებმა უნდა გაიარონ რეგისტრაცია. 

_____________

ფოტო: ხელვაჩაურის ახალგაზრდობის ცენტრი 

ნეტგაზეთის მასალების სხვა გამოცემებში გადაბეჭდვის წესი


ავტორი
გაზეთი "ბათუმელები" გამოდის 2001 წლიდან.