მთავარი,სიახლეები

რა ფილმებს ნახავთ დღეს ბათუმის კინოფესტივალზე [22 სექტემბრის აფიშა]

22.09.2018 • 2725
რა ფილმებს ნახავთ დღეს ბათუმის კინოფესტივალზე [22 სექტემბრის აფიშა]

დღეს, 22 სექტემბერს, საავტორო კინოს ბათუმის საერთაშორისო ფესტივალის ბოლო დღეა. ფესტივალი ხვალ, 23 სექტემბერს საზეიმოდ დაიხურება ბათუმის მუსიკალურ ცენტრში, დღეს კი კინოთეატრ „აპოლოში“ შემდეგი ფილმები იქნება ნაჩვენები:

  • 12 საათზე: „შამანური გაკვეთილები დამწყებთათვის“, რეჟისორი: სვეტლანა სტაცენკო 

ეს არის უცნაური მეგობრობის ამბავი ტუველ შამანსა და ამერიკელ ფსიქოლოგს შორის, რომელიც ტუვაში ჩადის შამანური პრაქტიკის შესასწავლად.

  • 14 საათზე: „სიცოცხლის კიდევ ერთი დღე“, რეჟისორები: დამიან ნენოვი, რაულ დე ლა ფუენტე

დამიან ნენოვისა და რაულ დე ლა ფუენტეს დოკუმენტური სურათი პოლონელი ომის რეპორტიორის, რიშარდ კაპუცკინსკის მოგზაურობაზეა ანგოლაში და 70-იანი წლების ომზე, რომელიც ამ ქვეყანაში მძვინვარებდა. ფილმი ანიმაციისა და დოკუმენტური კინოს სინთეზია.

  • 16 საათზე: “საშლელი”, რეჟისორი: დავით ფირცხალავა; “ღამის მორიგე”, რეჟისორები: გრიგოლ ჯანაშია & ნატო გაბუნია; Paganos, რეჟისორი: ნიკოლოზ ქობულავა; “დასასრულის დასაწყისი”, რეჟისორი: გიორგი ქასრაშვილი; “1943”, რეჟისორი: ბიძინა გოგიბერიძე, “ანდრო”, რეჟისორი: თორნიკე გოგრიჭიანი; “თევზაობა”, რეჟჲსორი: თორნიკე ბზიავა. 
  • 18 საათზე: “ბედნიერი ლაზარე”, რეჟისორი: ალიჩე რორვახერი 

იტალიელი რეჟისორისა და სცენარისტის, ელის როუოჩერის ეს ფილმი წელს კანის კინოფესტივალზე აჩვენეს, სადაც რეჟისორმა საუკეთესო ფილმის სცენარისთვის მიიღო პრიზი. ლაზარო 20 წლის მიამიტი ფერმერია, ტანკრედი – ახალგაზრდა დიდგვაროვანი, ისინი დამეგობრდებიან, რაც განსაკუთრებით ლაზაროსთვისაა მნიშვნელოვანი.

ფილმში ერთ-ერთ მთავარ როლს იტალიაში მცხოვრები ქართველი მსახიობი, ლუკა ჩიქოვანი ასრულებს. იგი თავად წარადგენს ფილმს ბათუმის კინოფესტივალზე.

  • 20:30 საათზე:  “ჰორიზონტი”, რეჟისორი: თინათინ ყაჯრიშვილი 

ფილმის პრემიერა წელს ბერლინის კინოფესტივალის სექცია „პანორამაში“ შედგა. ფილმი განქორწინებული ცოლ-ქმრის, ანასა და გიორგის ცხოვრების შესახებ მოგვითხრობს. „ჰორიზონტში“ მთავარ როლებს ია სუხიტაშვილი, გიორგი ბოჭორიშვილი, სოსო გოგიჩაიშვილი, ნანა დათუნაშვილი, ჯანო იზორია და ლიკა ოყროშიძე ასრულებენ. 

  • 22:30 საათზე: “ყველამ იცის”, რეჟისორი: ასგარ ფარჰადი

ბუენოს-აირესში მცხოვრები ესპანელი ქალი მადრიდთან ახლოს, მშობლიურ ქალაქში ჩადის, დის ქორწილში. ეს მოგზაურობა საიდუმლოებებს ხდის ფარდას. ფილმში მთავარ როლებს ხავიერ ბარდემი და პენელოპა კრუსი ასრულებენ.

________

კინოჩვენებებზე დასწრება უფასოა. დასწრებისთვის საჭიროა ე.წ. „უფასო ბილეთი“ (რაც დაჯავშნისა და კონტროლისთვის გამოიყენება), რომლის აღებაც კინოთეატრ „აპოლოს“  BIAFF საინფორმაციო ცენტრშია შესაძლებელი.

გადაბეჭდვის წესი


ასევე: