ქედის თვითმმართველობის მთავარი პრიორიტეტი სკოლამდელი განათლების ხელშეწყობა და სააღმზრდელო პროცესის სტანდარტებთან შესაბამის პირობებში წარმართვაა. ამას 8 ახალი საბავშვო ბაღი და 2-ჯერ გაზრდილი მოსწავლეთა კონტინგენტი ადასტურებს.
საბავშო ბაღების მშენებლობა, რემონტი და ეზოების კეთილმოწყობა ქედის მერიისთვის წელსაც პრიორიტეტულია, რისთვისაც ადგილობრივი ბიუჯეტიდან 962 000 ლარი იხარჯება.
[checklist]
- კაპიტალურად გარემონტდა მერისის საბავშო ბაღი, სადაც რეკომენდაციების შესაბამისად გამოსწორდა ბავშვთა საძინებელ ოთახებში არსებული ხარვეზები. პროექტის ღირებულება – 39 000 ლარი.
- ასევე, წლების შემდგომ პირველად ჩაუტარდა სარემონტო სამუშაოები ხარაულის საბავშო ბაღს. პროექტის ღირებულება – 51 000 ლარი.
- კეთილმოეწყო წონიარისის საბავშვო ბაღის ეზო. პროექტის ღირებულება – 37 000 ლარი.
- ტენდერი გამოცხადებულია დაბა ქედის N1, დანდალოსა და ხარაულის საბავშვო ბაღების ეზოების კეთილმოსაწყობად, რისთვისაც ჯამში 75 000 ლარი დაიხარჯება.
- ზუნდაგის საბავშვო ბაღი, რომელიც შესაბამისი სტანდარტების დაცვით შენდება, სექტემბრის ბოლოს უნდა დასრულდეს, რისთვისაც ბიუჯეტიდან 760 000 ლარი იხარჯება.
[/checklist]
ქედის ბაგა-ბაღების ინფორმაციით, წელს მუნიციპალიტეტში 650 აღსაზრდელი მიიღებს სკოლამდელ განათლებას, მათ შორის 170 ახალდარეგისტრირებული მოსწავლე.